هويدي بن صبح
ياسلامي عد مالاح براق الخيال@من هجوسي عند ربعن طوال أيمانها
البنايه ماتسيس على الجرف الهيال@وكل هضبه تاتكسر على ديبانها
سهــــــيل
مرحبا ترحيبةً تعدل اللي به ميال *** في محل الطيب ماصككت بيبانها
فيه علم وفيه حلمً وفيه أيضاً خيال *** والبيوت مشيده ثابته سيسانها
هويدي بن صبح
لادرقت القوم ماربط حزامي بالحبال@والجمال الباركه في يدي أرسانها
أمش معيه وأشتري لك عمامه مع عقال@كل خيلن بينن عندنا ميدانها
سهــــــــيل
إختفيت وبنت لي فوق من روس الجبال *** والذيابه تظهر اليوم لك نيبانها
أحمدالله وأشكره ما طلبنا منك مال *** كل كلمه ياهويدي لها ميزانها
هويدي بن صبح
جاني العلم الاكيد وتثبت بالمحال@العكاك أم الدهن لاحسين أدهانها
أنت يارجال فالشمس وأنا فالظلال@لاسرحت من العرب ماضوت رعيانها
سهــــــــيل
علمك اللي جبت روح مع هبوب الشمال *** والطيور تطير من فوقك بجنحانها
واقفً فالشمس ياهيه وسيوفي سلال *** لاسرحت أحمي عباد الله إورعانها
هويدي بن صبح
ياهويدي ليت ماجالك اليومه مجال@ابتليت بناس ضيع فكرها اذهانها
ذبحتك حلت وانا أقوالك مية حلال@الجنازة في يدي مير وين أكفانها
سهــــــــيل
الشجاعه ماتجي في جسد كل الرجال *** والعرب منت معدودً معا فرسانها
ماتطول الرأس لاكن ركز فالمقال *** والجنازه معك وأنا ترى دفانها
هويدي بن صبح
أنت عينك تحترك من يمين ومن شمال@والنجوم تدور وتدور معهاأكوانها
البعير اللي عقلته يقرط فالعقال@مير في درب الجهد مايدوس اكوانها
سهــــــــيل
عيني تشوف النجوم المطله فالعوال *** والعرب فيها قلوبً تشوف أعيانها
ماعقلت شعيل وأنته داخلك الجفال *** والعرب ماتضحك أنته على عميانها