الطيب كايد..والمراجل تبـي ذيـب....والعرف بيّن....واكثر الناس تخطيـه
والجود "سنّده"....والخطاوي تجاريب....والصمت هيبه....والعزاوي مشاريـه
والجمـع قوه....والتفـرق عذاريـب ..والشـور رجمٍ....والمناعيـر تلفيـه
والصدق بيته....مرتفـع بالمراقيـب..والكذب يهدم....مارتفع مـن مبانيـه
والصيت حاكم....والجماله مواجيـب..واللي فعل....بنفـس فعلـه تجازيـه
للطيب طيب....وجزوة الطيب بالطيب..ومنهو تردا....اخيـر منهـا تخليـه
من لافزع في حزة الخوف والريـب..ماينبغالـه حـزة الخـيـر تـدويـه
والنفس ماتشرب جميـع المشاريـب..ولاكل رجـلٍ يـارد "العـدّ" يرويـه
والعبد طرقي....والليالـي معازيـب..والعمر فاني....وقطعة قمـاش تاليـه
يالله طلبتـك تغفـر الذنـب وتثيـب..يالواحد..المعبود..والخلـق ترجـيـه
الرازق..المنان..ياعـالـم الغـيـب..الوالي..الرحمن..والـكـون بيـديـه
تغفـر لعيـنٍ قـوتـه بالمساكـيـب..اليا انتهى دمـعٍ يجـي دمـع يتليـه
الخوف والله مـن زمـان المطاليـب..دنيـاً تحـدن يـم شــيٍ فلاابـيـه
خوفي من الزلات خوفي من العيـب..الـرب يستر...لكـن الخلـق تبديـه
وكم خافيٍ مع طول الايـام مايغيـب..لابد يطلع لو مضـى وقـت مخفيـه