[%القناص%]

بسم الله الرحمن الرحيم

اليكم اعزائي بعض الطرائف التي تحدث من أطفال ..

في بداية ..دراستهم الإبتدائية ..



طفل قعد يبكي في اليوم الثاني من الدراسه وسأله المدرس ليه تبكي ؟....قال مالقيت فصلي ..
قال له المدرس انت في اي صف ياشاطر ؟ ...قال الطفل انا في صف ثاني
اخذه المدرس لفصل ثاني ودور اسمه ومالقاه فقال له اسمك ماهو في ثاني انت امس وين كنت ؟
قال الطفل انا امس كنت في اولى بس اليوم اصير في ثاني ..!!!
هذا على كيفه يحسب الدنيا فوضى




===================


الثاني مسكين احتاج الحمام وراح له وبالصدفه مر احد المدرسين جنب الحمام وتفاجأ ان فيه ملابس كامله مكومه خارج الحمام من ثوب وفنيله وسروال وجزمه وشراب ....
المسكين الطفل بعد ماخرج من الحمام قالو له ليه كذا ؟ ....قال انا كذا اروح للحمام في بيتنا ..!!




==================



طفل داوم معاه ابوه اول يومين وفي اليوم الثالث قال له انا ابروح للعمل واذا احتجت اي شي رح لم هالرجال واللي هو مدير المدرسه....
والمدير يلبس نظاره وله لحيه واللي تسمى سكسوكه وبعد ماراح الوالد بفتره قعد الطفل يبكي وراحو به للمدير والمدير اتصل على الوالد واعطى التلفون للطفل يكلم ابوه فسـأله ابوه انت من وين تكلم ؟....
قال الطفل انا اكلمك من عند الملك عبدالله.. !!!




===================



طفل آخر من المستجدين ذهب في وسط الدراسه لفصل اخوه وقال للاستاذ ممكن اخوي....ضحك المدرس وقال ظروري ؟ قال الطفل ايه ضروري مره....
المدرس توقع انه محتاجه يوديه لدورة المياه فقال لاخوه اطلع معاه....ولما طلع قال الطفل لاخوه تعال نبغاك تلعب معنا ...!!!




===================



وهذي طرفه قديمه حتى نفتح المجال حتى للقديم
وهي لطالب قال له المدرس شف هذاك كرسيك روح اجلس عليه....الطالب ما اكتفى فقط بالجلوس ولكنه عند نهاية الدوام اخذ معه الكرسي يجره الى بيتهم ..!!!





"""""""""""""""""""""""""""
"""""""""""""""""""""""""""


وهذي طرفه ..من عندي ..حصلت لطفل من أحد قريباتي ..
طفل ..متربي بين أخواته البنات ..يعني ..مايعرف غير بنات ..
ودخل الروضة وطبعا نعرف الروضه ..كلها بنوتات واولاد مع بعض
بس لما راح الابتدائي ..اول يوم من السنة ..رجع البيت وصارت امه
تسأله ..وش سويت بالمدرسة ..رد عليها ..تصدقين ..المدرسة هنااااك
كلهم اولاااااد ..مافيه ولا بنت ...!!!!




:::::::::::::::::::::::::::::


ان شاء الله اعجبتكم

الموضوع الأصلي: % مواقف طريفة لـ الاطفال بـ بداية دراستهم % | | الكاتب: %القناص% | | المصدر: شبكة بني عبس