يافالق الصبـح يامولـج نهـارك بليـل=ياجامع الناس في يوم البعـث و النشـور
عليك كل إتكالـي وأنـت نعـم الوكيـل=يا عالـم بالمصيـر و ماتكـن الصـدور
يالله يالله تهديـنـي ســواء السبـيـل=و تعصم لساني عن الزله وعن كـل زور
الشعر موقف وحده مثـل حـد الصقيـل=لو كان كتله من احساس البشر والشعـور
يامـا رقابـي ورقيتـه بـراس الطويـل=وياما سبح بي بحور وغصت به في بحور
وانا ليـا حـان ميقافـي قبسـت الفتيـل=و اوقدت من نار فكري للمسافـات نـور
واليوم لاهنت ياشعـري مايخـدم بخيـل=مادام سلحتـك الافكـار مانـت معـذور
قدمك من العز مايروي ظما كـل جيـل=سوالفه تزرع الامجـاد فـي كـل بـور
وقدمك لميع الهنـادي والقنـا والصقيـل=وقدمك من المجد ماترويه كـل العصـور
مسافتـه عـز ماتنقـاس كيلـو وميـل=ركانهـا ماخمـد وامجادهـا ماتـبـور
ياموكب الشعر وقف واستمع لـي قليـل=حتى اني اعطيك للتاريخ رخصة عبـور
سيـرة بطـل ماتغيبهـا حكايـة رحيـل=تبقى بوجه الزمن كالنحت فوق الصخـور
ماكانت ارض الجزيرة قبل ذاك الاصيـل=الاتفكـك عقيـدة وانـحـدار ودبــور
نهارهـا كـم قتيـل وليلهـا كـم قتيـل=جنايـزٍ مالهافـوق البسيـطـة قـبـور
قويهـم سلطتـه تسلـب حقـوق الذليـل=وشيطانهم ساد والظلم انتشـر والفجـور
وكلٍ لخصمه من اصناف العـداوة يكيـل=وصدورهم من جهلهم فالمعاصـي تفـور
مال الاْمن شجـرةٍ فيهـا مقـر ومقيـل=ولابينهم للمـودة فـي الجزيـرة جسـور
هذا قبل هيـت تخطيهـا عيـون الدليـل=وهذاقبل سطوة القـرم العـزوم الصبـور
النادر اللي على العارض يهيـم ويخيـل=من يوم عمره عشر شوره غلب كل شور
من قو باسه صنع ممكن مـن المستحيـل=ومن طيب راسه يحل معقـدات الامـور
زهابه الصدق والاخلاص حمل الصميـل=وسلاحه الدين والتقـوى سـلاح الغيـور
جمَع شتات القبايل لين صـارو فصيـل=واخوان عقب التناحر والجفـا والشـرور
وحكم بشرع الكتاب اللي ماغيـره بديـل=وعم الفرح فالبلاد وسـاد كـل السـرور
لامـال ميـزان غيـره مايحيـد ويميـل=في سطوته ينكسر راس الجهل والغـرور
شخصيته مالها فـي كـل جيلـه مثيـل=تجف الاقلام وبمدحـه تضيـق السطـور
والله ليبطن ماجابـن ناقضـات الجديـل=مثله ولااقول في كـل النشامـى قصـور
ويالله يامستجـيـب للـدعـاء ياجلـيـل=من عبدك اللي لك مطيع وذليل وشكـور
ترسل على قبر ابو تركي صدوق المخيل=وسمٍ يساقيه من غـر السحـاب البكـور
وتهـل فوقـه بسيـل مايلاديـه سـيـل=وترحم عظامـه وتغفـر زلتـه ياغفـور
وتجمع به المصطفى في جنتك والخليـل=وتحفظ عياله مواكير الحـرار الصقـور
وإنك تجمـل وتهدينـي سـواء السبيـل=وتعصم لساني عن الزله وعن كـل زور
تحياتي لكم