[حصــــــــــــــــــــري] إهــــــــــــداء لـ أروع منتدى وأجمل أعضاء
دار الزمن دوره وانا درت دورات = ادور لكن دورتي في مكاني
ياليت مالي ماضي وحاضر وات = وياليت هذا الوقت ماهو زماني
في هالزمن ماعاد فيه اعتبارات = حتى الصداقة شف لها وقت ثاني
صار الكلام الجد زي التفاهات = والطيب ضعف وطالب الحق اناني
الله يغسل الارض من بعض الافات = اللي وذاهم ماتركني وشاني
اللي مايسمع لو تسمعك الاموات = حتى كلامه نقص مابه معاني
وش هالزمن ماعاد باقي مسرات = وش هالحزن ليه الظلام احتواني
و ياكبر حزني لاتذكرت مافات = مع وحد مادري لو انه نساني
يوم الوداع اللي ذرف فيه عبرات = ماادري عشان الحب ولا عشاني
بس الوكاد انا افترقنا ولا مـــات = عشق ربى بين الظلوع المحاني