[البـــــدر]

السلام عليكم

مصافحتي الاولــى هنــا ....!

اتمنـى ان ترتقي الى ذائقــتكم ...@!



تتساقط اشــواقي لك اعناب واعناب ..
.........................وانا وعنقـود الفـراق .. اجتمعنا ..

جمعت لك كـل الاحـاسيس بكتاب ..
......................ومابين كل احساس واحساس معنى ..

لاتبكي اكثر لو نزف جرحك وطاب ..
...........................شي انفرض مانمنعه لو جزعنا ..

سِدّت شبابيك الهوى وانقفل باب ..
............................. واخر سحاب ٍ مرنا ماسمعنا ..

ياحب ّ .. وقـّفك الزمن بين الاحباب ..
.......................... وشلون تاقف ضدنا وانت معنا ..

بانت تجاعيد السهر والشقا شاب ..
............................. والا الهوى طفل ٍ بموته فجعنا ..

ياقصة ٍ كل يوم ينبت لها ناب ..
............................ ينحت ضلوع الذكريات لوجعنا ..

هنا بدينا رحلة حضور وغياب ..
................................. هنا ابتسمنا للوداع ودمعنا ..

هنا تملاّ جرح وابتلّت اهداب ..
............................... هنا تردى حظ وهناك ضعنا ..

ياكثر مااشوفك ولو كنت غيّاب ..
.............................. وياقل ّ ماهذا المكان.. اتسعنا ..

ليت الوداع اللي جمعناه .. كذاب ..
............................ وليت الغرام اللي جمعنا ..جمعنا ..

ماكان بيدينا جدى رغم الاسباب ..
............................. مير الزمان اللي نعيشه ..خدعنا ..

الموضوع الأصلي: ياحب ّ .. وقـّفك الزمن بين الاحباب .. | | الكاتب: البـــــدر | | المصدر: شبكة بني عبس