البارحه كني من العضـم مكسـور
العيـن عيـت لاتـذوق المنامـي
ولاكماونـت غريبـن ومـجـدور
في ديرة مالـه صديقـن يحامـي
اقدم الدلـه علـى جـال دعثـور
قالوعلامـك قلـت واجدعـلامـي
لاعادانامقدرعلـى كـل مـقـدور
صبرت صبر المسدسه بالمضامـي
من قيلـة فيهـا محاديروضهـور
كنـة بقلبـي واعدمنـه عـدامـي
وان واجهت يلعب بها كل دنقـور
يفـرح بـزلات الرفاقـه اشمامـي
من عقبها ياراكبن فـوق مذعـور
اسبق من اللي باسرع الريش حامي
مافوقها الا الخرج وعذار والكـور
زبن الرديـف ان قبلـن للسلامـي
يلفن لجواد مـع فجـة النـور
عبيـد لاصـارت بعـد الاسامـي
تلقى المبهـر بالفناجيـل مسطـور
وان نوخن قرمن سريـع المقامـي
قله ترى صاحبك صابر ومسخـور
لاجت من اللحيـه اليدنـا اللثامـي
الاولـه قولـة بناخـي ومـذكـور
الثانيـه شيـم الرحـم والغرامـي
ياعبيد * مانـي للمـزلات زنبـور
ندمح لـك الزلـه ثلاثيـن عامـي
ان كان مالي بالرجاجيـل مذخـور
ماني عشير مرودعـات الوشامـي
رجلابلا يمنا عن الشـرب مقهـور
ولاتهتنـي كبـده بلـذ الطعـامـي
انتم لنا وحنالكـم ريـف ودهـور
لاصاربالديـره سمـوم وعسامـي
المدح ماسوى نطاطيـق وقصـور
والـسـب مايقصربعيدالمـرامـي
لاعاداناعقلي من العـرف ماطـور
ماطوريسحب مـن غزيرالجمامـي
حنا هل الطوله شياهيـن وانـدور
ضارين للدسمـه وكسرالعضامـي
ان قلطو عنهم مراقيـب وسبـور
ربعي يشدون الضهـر والحزامـي
دخيلناكنـه علـى راس شختـور
غزة لنا البيضا بـروس العدامـي
وصلاة ربـي عدماحنـت الخـور
وعـداد ماغـط القلـم بالبهامـي
على محمد صفوة الخلـق مشكـور
شفـاع للعالـم نهـار القيـامـي