اخواني الكرام
السلام عليكم ورحمة الله وبركاته..
اسعد الله جميع اوقاتكم بالمسرات . اليكم هذه الابيات التي تعبر عن نفسها عسى ان تحوز على رضاكم........
يابدر لو كنيت بالصدر حاجه=لابد عنها الناس يابدر يدرون
يابدر فرقبة البعير انعواجه=لوحاولو يابدر فيها يعدلون
يابدر قل وضاق وقت المواجه=والناس لاقل المطر يستغيثون
يلي سماكم صحو مثل الزجاجه=ياليتكم صيبة سمانا تلدون
الي على شمسه تحوم العجاجه=ايضيق الي عمرهم مايضيقون
زحمة مدن ومعاملات ولجاجه=ومصانعن تطلق مع الجو كربون
ترعد ومنها الارض فيها ارتجاجه=ونامت العالم عليها يزيدون
من شان كلاً يفتخر في انتاجه= لو هيئة البيئة عليهم يصيحون
يابدر ياراسي وفلة احجاجه= ياكيفي الي ماهو دله وغليون
ولاهو على ماقيل كيف الخواجه=الي هله في كل ديره يهيمون
لاوالله انه غير عضمه وعاجه= تركيبتاً عنها الخلايق يعجزون
وكلاً على كيفه يعدل مزاجه=طبع البشر من خلق يابدر هاللون
وانا على ضؤك لقيت اندماجه= افل مسباحي وعده على الهون
ضهري على مركاي ياخذ مساجه=وقول ياوضحى عذاب ابن لعبون
الجرح لامنه توفر علاجه =وش عاد يطمحله بنادم بهالكون