[بقايــا إنســان]

السلام عليكم ورحمة الله وبركاته


حين يكون الشعر مكلل بالصياغة والايجاز
غزير بالصور البديعة والابيات الفريدة


يكون لنا موعد مع الشاعر الواعد /
عبد العزيز سعود ساكر الذيابي





[POEM="font="Simplified Arabic,5,blue,normal,normal" bkcolor="transparent" bkimage="" border="double,4,blue" type=2 line=1 align=center use=sp num="0,black""]
البارحة كانت نهايتنا بداية صدمتك=وساد السكون المنطقة يفرض علينا إفتراق

تسري بي اللحظة وانا احاول اداري دمعتك=إلين ضاقت بي جهاتي الاربعة والصدر ضاق

نهاية احباب (ن) لها تشهد زوايا غرفتك=وتشهد حدود الارصفة لحظات عشناها إحتراق

كانت نهاية رحلتي تعلن بداية رحلتك=ليلة شقاء فيها تقاسمنا قرار الإفتراق

مدري خطاي..او غلطة الواقع .. او انها غلطتك=بس الوكاد إني عرفت إنها مراسيل الفراق

وإن كانك المخطي ترى مابي تبرر عملتك=تركت لك شرهة وفي منها جنيت أقسى فراق

مابيك ترجع لو حياتي تبتدي مع جيتك=إحساسي اللي عاش في غيبوبته هالحين فاق

اليوم شيعت الغرام اللي توفى بصدتك=واسدلت للفرقا ستار البعد وارخيت الرواق

وش تنتظر مني بعد..وش ماحصل من خوتك=مايكفي إني لأجل احوز رضاك قاطعت الرفاق

ياما إرتجيتك والرجا مات بسبايب قسوتك=وإخترت عن درب الوفاء درب الخيانة والنفاق

فرقاك سقها بس خذ معها غلاك وحسرتك=ودمعة وفاء خانت عيوني يوم جاوزت النطاق

زفت لك كفوف الزمن فرقاك وأطفت شمعتك=من دون لا علم وخبر ولا بدون اي اتفاق

إنكتبت الفرقا علي وإنقتلت بطعنتك=وأهدرت دمي في سبيل الحب عربون الصداق

في ليلة كانت حزينة ماكستها ضحكتك=ليلة جفا فيها تقاسمنا قرار الافتراق
[/POEM]

الموضوع الأصلي: الشاعر عبد العزيز الذيابي مع ليلة حزينة | | الكاتب: بقايــا إنســان | | المصدر: شبكة بني عبس