السلام عليكم ورحمة الله وبركاته
الغالين
صبـاحكم مسك
مجـددا اعود هنـا بين طيات الابـداع والتميز مع كوكبة من الشعراء
واقدم لكم هذه المتواضعة
على امل ان تنال ولو على القليل من استحسانكم
تعال دام الله كتب بعد وفراق=عندي كلام بخاطري مانسيته
شلت التعب ماقلت ياكبر الارهاق=اخاف يفهمني غلط لو شكيته
ارضيه وادلعه والبال ماراق=فديت قلب اللي تضايق فديته
فيني وفا عاشق من البعد مشتاق=يذكر حبيبه كل ما مر بيته
وجيته وفيني شوق مابين الاعماق=يهدني ويزيد كل ماطريته
جيته عتب شوف العتب داخلي ضاق=استغرب اطباعي بقلبن هويته
حبن سكن قلبي وفاق الغلا فاق=اخلاص ماهو للمصالح خذيته
تدري وش اكبر شوق ما بين الاشواق=مغليك لامريت درب ولقيته
واليوم يوم الله كتب بعد وفراق=دعيتله بس العتب مانسيته
[ مفلح سعود الرشيدي ]