[ادري طيبتي غلطه]

جيتك وانا لي حاجة(ن) فيك ساعة
وسألتني عن جيتي عشر ساعـات



اما اختصرها لي بسمع(ن) وطاعة
والا اعتبر مافات ياسيـدي مـات


وارجع سواة اللي خسرله بضاعة
واصبح نصيبة بس قطع المسافات


لاشاري(ن)حاجة ولاشـي باعـة
تقفي وتقبل بـه كثيـر الدعايـات


راع الهوى وراعيه بالذات راعـه
وانت الوحيد اللي نراعيه بالـذات


واحفظ عهود الود مثـل الوداعـه
وياحبني للـي يحفـظ الامانـات


مركب هوانا ام رفعنـا شراعـه
والا غرقنا في عميق المحيطـات


ومن حط سمعه عند صوت الاذاعه
لابد مايسمـع نمايـم واشاعـات


والخوف من نقل النميمه شجاعـه
والطيب في سب النشاما متاهـات


وان كان جيتك حاجتي بس ساعه
لاتقلب الدنيا علي عشر ساعـات