[الجحش]

اقتباس من مشاركة ناصر خنيفر دق الخفوق المنجرح وارسل لحون = ونادى على هجوسٍ قديمه وجاته وطاعن لقلب ٍ من عنا الوقت مشحون= وسباب شحنه من تخفي عزاته رجل ٍ تخفا دون فرض ٍ وقانون= وحنا يشرفنا رسم منجزاته تكفون ياللي لديرة الجحش تاتون=خلوه باسم الصح يعلن براته حنا نتشرف بشعرانا يبينون = بين القبايل عز ربعه وذاته والجحش واف وكل شاعر فلا يهون = لكن يعجبني رسم مفرداته لاتحط زينات البضايع بكرتون=خل البضاعه يعرفونه شراته وتلقا رجال ٍ للبضاعه يسومون=اليا حصل بالعلم وده وهاته انما طلعت اليوم وشو تحرون=ابرز وخل الجحش ومخلفاته اليا كشفت الاسم ربعك ايحييون=في وجه ناصر ماتجيك الشماته ورجلٍ يبا ينشي ويفنا على اللهون= عند العرب موته يساوي حياته وسلم رعاك مكون الشوف بالنون= ربن خلق خلقه عضيمه صفاته

بيض الله وجهك يابو تركي وافي والوافي طول عمره يبقى وافي وانا خوك واعذرني على التاخير طال عمرك

دكت على الهاجس شياطين وجنون = والشعر سامي والحكم معجزاته
مجنون ( لاوالله ) ماني بمجنون = لكن زماني سبعه امعلقاته
واتيت وشعاري اكون اوّ لاكون = مستبسلٍ مسترسلٍ مرسلاته
الليل ابو ساتر مثل مايقولون = والذيب لولى الليل ماشال شاته
كذا خٌلقت وهكذا اموت ممنون = والبير سرّه داخل البير ذاته
وارحل ويبقى لي على الدار مسنون = يحكي عن الماضي وعن ذكرياته
ماني ببن خلدون ولا ابن لعبون = انا الجحش وجه الزمان وسماته
والي على الاسم الكبير ايتسمون = من حقهم لكن يسوو سواته
والي لياغاب الجحش يستضيقون = اكيد يبكون الجحش في مماته
والي على موت ابن جحشان يبكون = ادموعهم مجد الزمان وثباته
والي يناور كل ماباح مكنون = ماهوا بحاجب نور بمناوراته
يبقى كماهو ساعة العسر والهون = وان مابقى تلحق بعيره عباته
واصحابي اللي علمهم عطّر الكون = يوم اشعلو جو الحفر ومسياته
اشيد فيهم مثل ماهم يشيدون = هذي حلات العمر هذي حلاته
ماهم من اللي ينظرون ويصدون = خطواتهم فيها ثقات وثباته
ابن سرور اللي بوقت القسى عون = وبن اسكات اللي على الكيف جاته
وأشكر بحرنا اللي به اللول مخزون = من طب بامواجه صعيبه نجاته
الشيخ ابو تركي سند كل مغبون = ريف الرفيق اللي بعيدٍ مباته
واشكر جميع اصحابي اللي يسالون = عني وانا المتشتت اجمع شتاته