إليكم أيها الأحبة في منتديات قبائل بني رشيد هذه القصيدة آملاً إستحسانكم:
عزالله إني منه ماني بمسموح
أروح نوب أدروب، من غير مصلوح=موجة جفاف إخلافها ذيب عاوي
متمايله باسنوعها أمنين ماتروح=منها سعيد الحظ يصبح شقاوي
لرياف حلمي قدمهاالدرب مفتوح=وحشة فلاها ليلها ليل داوي
هدم البنايا صدر عملاق مجروح=أنقاضها افواده على جمر كاوي
ظَل الجفاء فوقه من الهون مطروح=وغصون بستانه كما طيب جاوي
ممدوح والله يااهل العرف ممدوح=مهما غفى، له يوم نصره سماوي
عزيز غربه وإن بقى شبه مذبوح=في معقل أهله كن ماله حراوي
سايف هوا النا صرعنه وأعلن النوح=تفرقت به سبل مردود حاوي
يدعي على قومه مثل ما دعاء نوح=مما جراله من كبار البلاوي
عز الله إني منه ماني بمسموح=إن قلت وإن ماقلت باللوم ضاوي
لوان عذري شيء مكتوب باللوح=مالي عن اللي يكتب الله مناوي
لاشك تحريك السبب ينعش الر وح=في جسم ربع الأرض كله مهاوي
معيوف ابن زهيميل