السلام عليكم ورحمة الله وبركاته
.
.
يتجدد بنا اللقاء مع شاعر نسج من الحرف حلة
وحاك من النور مملكة
خويلد الذيابي
بــ أول إنسان
النور مملكة
أنا أول إنسان في يديك الكريمـة قتلـت**وأنت آول إنسان للفرقاء تحدى وصمـل
قمت آترجاك ترجع لـي ولكـن فشلـت**وحملت نفسي عشانك فـوق ماتحتمـل
وعزيت نفسٍ حزينة يوم شفتك رحلـت**وأصبت بأحباط بأسبابك وخيبـة أمـل
يوم انت تآآآخذ وتجرحني وش اللي فعلت**الحين تبغاني أنسى كل شـيء حصـل
ابحتفظ بالجروح اللّـي بقلبـي حملـت**ومصير جرحي ولو طال الزمن يندمـل
من طيبتي يوم شفتك للمفـارق صملـت**آمر تدلل وش اللـي بـس تبغـاه قـل
تذكر أو أذكرك في حينهـا يـوم قلـت**إن كان تبغى تريحني ماأبي لك وصـل
ولملمت جرحي وعبرات الندم وإرتحلت**وأقفيت حامل معي قصة نهايـة بطـل
ياصاحبي وانت بادي بالخطاء ماخجلت**إقسم بربي ماقلت لغيرك أحلـى الجمـل
الحين بعد الغياب تقول وش بك زعلـت**اللي حصل بيننا حدد فراق؟؟ أو زعـل؟
العام قالوا ..لي انك بالفـراق إحتفلـت**واليوم سامحني بفرقـاك أريـد أحتفـل
قدام لاتجيني وتسـأل علامـك زعلـت**إسأل ضميرك من اللي في يديك إنقتـل
ولكم تحياتي