[%القناص%]

لله طفـلٍ ساعـة النـصـر يعـفـو
= طفـلٍ وهـو لمدوّرالعـون ماعـون

هاك اليتيم اللي على جانـب العـرش
= مكتوبٍ اسمه بأمر من يحيـي الطـرش

منجي غريق الموج من عضة القـرش
= فـي غبـةٍ سباحهـا مـا يعـومـون

وقولة ( بحيرى ) عنـه لأقـرب عمامـه
= عـن شـأن طفـلٍ ظللتـه الغمامـه

عليـه شـاف مـن النبـوّة علامـه
= وقال اجنبوا به من قبـل لا تضيعـون

اللي لقت فـي قربـه أمـه حليمـه
= غنيمـة يـا كبرهـا مـن غنيـمـة

وهي قبل قربـه لاش خيمـه وغيمـه
= عيالهـا مـن شـدة الجـوع يبكـون

طفل ملائكـة السمـا فـي فـؤاده
= حطوا له الثلجـه عـوض للسـواده

شقوا صديـره وهـو طفـل وعـاده
= صغير ما يدري عـن اللـي يحطـون

هاك اليتيم اللي غشت وجهها الشمس
= ومشاعره خطرٍ عليهـا مـن الهمـس

وبرغم ذا ما حشموها عـن اللمـس
= لمسة رماح أبنا عمامه لـدى الكـون

وبالرغم مـن هـذا ترضـى عليهـم
= وتحمـل أكبـر غلطـةٍ مـن بنيهـم

ولا طاوعه ضامـره يدعـي عليهـم
= ولو دعى راحـوا كمـا راح قـارون

هـاك اليتيـم اللـي عيونـه تقاطـر
= رحمـه لقومـه كالمـزون المـواطـر

لعيونهـم شـال الأذى والمخـاطـر
= ما كنْ بلقبه مـن أذى سبهـم لـون

في ذمتي ما فـي أنبيـا الـربّ مثلـه
= شال الأذى من لابتـه وسـط حثلـه

حباً وهم بالشيـن كـلٍّ بعـث لـه
= ورعٍ يضيق خاطـره كيـف يرضـون

يا ويل قلبـي كيـف يرضـون سبـه
= ومثـل هـذا مـا تجـيـه المسـبّـه

للرحمـه أنشـا حبّـةٍ فقـو حـبّـه
= وخلى عجمها مع عربهـا يتخـاوون

ما به نبـي إلا ودعـى بمـوت قومـه
= وهو ما لقى ما قد لقى احمـد بقومـه

على كثر مـا شينـوا مـن علومـه
= دعـى لهـم بالخيـر فيمـا يريـدون

آذوه في نفسـه وهـو مـا أذاهـم
= يـا كثـر والله مـا تحمـل خطاهـم

إليـن ربـي لأجـل أحمـد هداهـم
= لكنهـم جحـادة مــا يـوفـون

ربي من الرحمـه خلـق جسـم أحمـد
= بثلجـةٍ فـي واقـر الصـدر تجمـد

منهـا عيـون مـدور الشـر ترمـد
= لا سلـم الله عيـن نـاس يتعامـون

لبعثتـه يشهـد سـواد بـن قـارب
= ومشـارق الأيـام قبـل المـغـارب

وحمـر النجـوم كلابهـا والعقـارب
= وأسقف أهل نجران والكذب مركـون

وهرقل والعبد بـن نوفـل وعاتـك
= والجن يا هاتـف خريـم بـن فاتـك

يـا مـدوّر جـرة بعيـرك وشاتـك
= الخير قدمك في أحمـدٍ سيـد الكـون

وعباس بـن مـرداس وراع النعامـه
= وذباب بن حـارث وسـادن حرامـه

وشيخ الجزيره يـوم يكـد كلامـه
= وقيصر وراع الأسكندريـه وقيمـون

وهذا مخيريـق اليهـودي شهـد لـه
= وحبر اليهود بـن سـلام قعـد لـه

وعيضا وابن صـورٍ كنانـه وجعلـه
= في النار يوم أجنب عن الحق مشحـون

في عصمته قد جاء ضمن الأحاديـث
= ما ينجي السرحان من سطوة الليـث

وما يروي الظميان من ساقـي الغيـث
= وما يوقد الجمره علـى راس غليـون

ربي عصمه من الحمايـا وأبـو جهْـل
= بمجرّد مـا هـو مجـرّد بنـي سهْـل

غضنفرٍ بيديه محض الصعـب سهْـل
= عند المشاعر وأهـل مكـه يراعـون

والله عصم عبده وهو داخـل الغـار
= بالخيط خيـط العنكبـوت أمّ عمـار

وأنثى حمامٍ فرخهـا مـا بعـد طـار
= وقريش حوله فـي الفـلاة يتعاشـون

وفي هجرته حاميه واليـه مـن قـرب
= بالقرم ابن عمه علـي سيّـد العـرب

وأعمى له أبصار الملاعين فـي الـدرب
= عن جرته وقريشـه جنبـه يطوفـون

وأبـو لهـب تبّـت يدينـه وتبّـت
= حرمته يوم ان جمرة نارها منـه شبّـت

جت عند أبو بكر وهاجـت وسبّـت
= ما تدري إنه جنب أبو بكـر محصـون

سبحـان ربٍ عنـه أعمـى بصرهـا
= وقريش عند الحجـر هـدت عفرهـا

وفي حجرهـا ربـي رماهـا بحجرهـا
= شافوه وأقفـوا جعلهـم مـا يثنـون

عطـاه ربـي هيبـةٍ فـي القلـوبـي
= من روعها تـزول الأمـم والشعوبـي

ومنها تهـاوت كـل دولـه ولوبـي
= هذي نبي الله وابـا الشيـن مشيـون

ومن نضر بـن الحارثـه ربـي انجـاه
= في ثنيـة الحجـون يـوم الله أعمـاه

لين التراب مـن المهانـه مـلا فـاه
= بأسود حيايـاً أقـرعٍ يـوم يلقـون

وربي حماه مـن ائتمـار بـن عثمـان
= شيبه وهم بأسفل حنين أهـل سلفـان

بشوظ نارٍ من خـلاف آبـو سفيـان
= كأنـه البـرق الـذي يستخيـلـون

وفي يوم أحد حلمه بكبـش الكتيبـه
= وسهومهم من صوبـه ازرت تصيبـه

كما قال بن وقّـاص راعـي النجيبـه
= حديث أعجب من حديـثٍ يحفظـون

ومن أهـل مكـه وحربـة سراقـة
= ربـي عصمـه بـلا جـوادٍ وناقـه

ثـم بشـره بالخيـل تاطـا عـراقـه
= وكنوز بابل مـن قواريـر وصحـون

هذا الذي قـال البـراء بـن عـازب
= شفناه شوف العين ما هـوب كـاذب

يا أهل العروش الباذخـه والمواكـب
= هذا حديث أحمد والأنـذال يخسـون

والله عصم عبده من الهيـس الأربـد
= قيسٍ ومن راسٍ مثـل راس الأسـود

ابن الطفيل وكل مـن ضـاع ينشـد
= سيفه بغمده وأعـور العيـن مدهـون

حقـق دعـاه الله بجنـح المـلائـك
= والوضع من مكر أعور العيـن شائـك

والمؤمنيـن أحيـاء فـوق الأرائـك
= ولو شفتهم فـوق الأسنـه يموتـون

والله عصم عبـده مـن أولاد مخـزوم
= وابن المغيره بأملـح السيـف ملطـوم

يوم الكلاب استنهضت كنهـا البـوم
= أحمد هو القايـم وهـم مـا يقومـون

ومن مرتزق قومٍ تجهّـز مـع قريـش
= ربى عصم عبده من الخيـل والجيـش

أقفى كما ذايـر نعـامٍ مـع الحيـش
= خبلٍ يحسب إن الوغى فلـم كرتـون

وعلى يهود الغـدر أبنـا النضيـري
= ربي نصـر عبـده ونعـم النصيـري

أهـل الجـدار الله عليهـم بصيـري
= وجدارهم جاء فوقهـم قبـل يرقـون

وربي عصم عبده مـن يهـود خيبـر
= لـو إنهـم مثـل البراغيـث وأكثـر

ولو شاتهم مـن سمهـا حلوهـا مـر
= أهل المكر في مكرهـم مـا يسـرون

وفي القبة الحمرا بقول ابـن الأكـوع
= راع الفرس سيفـه بكفـه تسلـوع

يسقيك يا راع الخنـا كـاس خـروع
= لو كان بأيدك مرهف الحـد مسنـون

ومـن بنـي أميـة قبـل يسلمـونـي
= ربـي عصـم عبـده بتـوده وهونـي

يوم أصبحوا مـن هولهـا يركضونـي
= دون الصفا من خوفهـم مـا يثـارون

ومن غدر أبو سفيـان هـو وبدويـه
= الله حفـظ لـك يالبـريـه نبـيـه

ربـي حمـاه وصـاحـت الهاشمـيـه
= لشوفة اللي شوفتـه تطـرب النـون

ومن الشجـاع معمـر بـن يزيـدي
= ربـي حمـاه وكـل صايـح يهيـدي

جاله على رمضـا حصاهـا فديـدي
= وقومه معه من روعهـم مـا يلـدون