تعتبر عزوة اشريفا رمزاً من رموز البطولات والأمجاد والأنتصارات لقبيلة بني رشيد ذائعة الصيت ومهد الشجاعة وا لإقدام ارض الكرم والسخاء، قبيلة النخوة واكرام الجار قبيلة التلاحم والتضحية عاصمة الشعر وسيدته.
* اسم المعركة: معركة اشريفا او يقال ايضاً نقرة الدم وتسمى ايضا صبح اشريفا وقعت في محرم 1319 هجري بين قبيلة بني رشيد من جهة وقبائل عنزة وحلفائها الشرارات وجهينة والبلوات من طرف اخر.
*مكان المعركة: منطقة اشريفا وهي مابين بيضاء نثيل ووادي سبط وهي هضبة في منطقة تقع بحدود 150 كم غرب حائل يحدها من الشمال جبل ساق ومن الجنوب الأبيتر ومن الغرب سلسلة جبال المسمى.
قادة المعركة:- قائد بني رشيد الشيخ العقيد/ قاسم ابن براك شيخ شمل بني رشيد.
قائد عنزة العقيد/ عسكر العواجي ومعه ابنه الفارس مشعان بن عسكر العواجي ومن معه من قادة وفرسان القبائل الاخرى واشهرهم واكثرهم فروسية ((عيال الغزلان)) من خيرة فرسان قبيلة الشرارات.... كذلك القائد الشيخ/ فرحان بن بدر الأيداء.
* اسباب الحرب: كانت قبيلة بني رشيد تسيطر على أرض شريفا وهي ملك لقبيلة عنزة وحاولوا استرجاعها لفترة طويلة من الزمن دون فائدة، حتى لجأو الى التحالف القبلي مع قبائل بلي وجهينة والشرارات،ثم قامو بمهاجمة بني رشيد بعد الفجر وهذا يظهر مدى تعطش قبيلة عنزة لإسترجاع أرضهم من بني رشيد، لكن ذلك لم يحدث ودارت الدائرة على قبيلة عنزة وتحالفها فوقعوا في أبشع صور الهزيمة، وقد بدأت المعركة الفجر وانتهت بعد المغرب......... بلغ عدد القتلى من قبيلة عنزة اكثر من 99 فارساً ومن قبيلة بني رشيد عدد لايتجاوز أصابع، وفي هذه المعركة تم أسر شيخ عنزة الشيخ الأسطورة فرحان بن بدر الأيداء العقل المدبر لهذه المعركة وهذا يتضح في قول الشاعر
:
كم واحد من شور فرحان كد مات= هذا صويب وذاك ينقل عطيبي..........
بعد ذلك تم اطلاق صراح الشيخ فرحان الأيداء بعد وساطة قام بها الفارس ثامر بن سعيدة القلادي، وايضا ان هذا الفعل من عادات العرب الأصيلة حيث لايقتل اسير الحرب ويعامل معاملة خاصة، وقبيلة بني رشيد اكثر القبائل فهم بالأعراف والأصول.
ويصف الرواه وهم من الطرفين واغلبهم شعراء المعركة انها أشرس المعارك والحروب في تاريخ الجزيرة العربية وذلك لعدة اسباب نذكر منها:
1
_ انها تجمع أعرق وأشرس القبائل بني رشيد وبني وائل اضافة الى حلفاء عنزة
2_أنها استمرت يوم كامل أستخدم فيها السلاح الأبيض من سيوف وخناجر ورماح.
بعد هزيمة عنزة وبعد مرور فترة من الوقت يقول الشاعر الجويعان العنزي وكان احد الفرسان الذين شاركو بالمعركة،يصف ماحدث لهم على لحن الدحة وكان ذلك في حفلة زواج بعد المعركة بفترة ليست بالطويلة
ماشفتي يمال النجم= كيف يهجمونا هجم = ثناهم ماأجحد ثناهم.... ماتريد الخيل ملاقاهم.. شطيرين عيون ويماني= خيلنا للتالي فضت وخيلهم للأبرق حضت= ويلي من عيال الرشود..
ثم يصور هذه المعركة أحد أشهر الرواة المعروفين كيف لا وهو الذي قد شارك في هذه المعركة وساهم في تحقيق النصر لقبيلته بشجاعة واقدام....
الشاعر/ عتقى بن داموك الرشيدي يصور المعركة في قصيدته الخالدة المسماة ب ((الشيخة))
بديت في ذكر الولي قبل الابيات= من قدم المولى فهو مايخيبي
جانا معشي الضيف بالجمع زافات = واخوات بقشة منحزين الحريبي
جمع جهينه مع بلي والشرارات= مثل التهامي يوم شمسه تغيبي
يشدون دكات الدبا جوك زافات=والاضلامآ دك روس الجذيبي
تشاوحونا تقل مقهور خلفات = وردوا عليهم منغصبين الشريبي
بني رشيد من الظفر جوك ردات = الكل يفدع مثل حر قضيبي
مسبلين ارواحهم بالصعيبات=دون المعور وامهات الحليبي
ولا لي حسايف غير عود(ن) لنا مات = وثراه عنده مثل قرط الخشيبي
ولا حصلوا منا صمايل وفلحات = إلا طياح القش ماهو مثيبي
كم واحدآ من شور فرحان كدفات=هذا صويب وذاك ينقل عطيبي
تسعه وتسعين المدالي المهمات=اللي وطينا طايحآ بالشعيبي
فيهم سباع شريفه اللي هزيلات= مربعات وناشياتن بطيبي
تاخذ عليهم ضبعة الضلع كيفات=والطير ياكل لين شمسه تغيبي
ماياكلن الاالفطاح العذيات= اللي من الويلان عيا يهيبي
حتى انت يافرحان عقناك بالذات = عقناك وانته فوق زين الهذيبي
مشعان كبك في نهار الملاقات= وهزاع واللي يدركون المصيبي
راحو على قحص المهار العريبات=خلوك يافرحان عشى كل ذيبي
حريمهم يوم المكاسيب كرهات=الكل تعول مثل خلج العزيبي
ياكم هنوفآ عقب لبس الحمارات= على شهود الصبح تقنب قنيبي
دليم غايب والنقا فيه عادات= لعل قول الشيخ فيكم مصيبي
ابن سعيده عتقك بين لمات = عيا عليك الله ودمك مريبي
في ساعة للموت حليا وشارات= لولاه لو صيحت مالك مجيبي
مايستوي للموت نفوس(ن) كريمات = ياللي بلوذات المساعر تطيبي
بالقول وحنا ماندور لـ.ضيفات = تحط مع هبر العداوي عصيبي
منقول للكاتب ذيب حايل
--------------------------------------
وحيث ان الكتاب وللاسف الشديد بمنتدى عنزه حاولو طمس الحقائق
وقالو ان النصر كان لهم اردت ان اضيف بعض القصائده الموثقه
لنصر بني رشيد في معركة شريفا او نقرة الدم
هذه ابيات لشاعرمن شعراء عنزه
ثلاث رادت على العسـر والليـن = والرابعـة مـا رد الأول لتالـي
وش عاد لو في كـل ردة ثلاثيـم = ماصابنـا دون الجهامـة جفالـي
ولو طاح دون الشيخ تسعة وتسعين = وردوا مبيعـة العمـار الغوالـي
وقال الشاعر بن عبار من عنزه
مــن عــزوةٍ يثـنـون يـــوم الـحـرابـه = نطيحـهـم يقـفـى مــن الطـعـن مـســرود
فــي سـاعـة والسـيـف يقـطـر انـصـابـه=والـجـو يـقـدح حـبـه عبـاريـد بـــارود
بـنـي رشـيـد الـلــي تـفــك النـشـابـه = مــن سبـهـم حـظـه ضعيـفـاً ومـقــرود
يــوم الـفـعـول او يـــوم دور المـجـابـه = دور النـضـا والشـلـف والـخـيـل والـقــود
بعـصـور مــن حــث المطـايـا ابعـقـابـه=كـلـن هجيـنـه سـاريـا العـقـب مـلـكـود
كــم خـيـرا صنـديـد مــا ينصـخـا بــه = مقـدام غـوش ولا بـسـاً جــوخ مــا هــود
رمــوه يــوم الـعـج يـسـمـك ضـبـابـه = دوار صـيـد و بينـهـم صـــار مـصـيـود
عـقـب العـيـا خـلـوه يـشـكـي صـوابــه = مـن عقـب مـا هـو صايلـن عــاد ملـهـود
يــوم انثـنـا يشـمـت شـويــرا غـزابــه = يـبـا القطـيـع و لاخــذا مـنــه مـفــرود
عـقـب الطـمـع صــار الغنيـمـة ركـابــه = وانـكـف معـيـف او حالـفـاً ديــن مـاعـود
وقال ابن عاصي ابن عطران
يامزنة غرى غشاها كتامة =على (شريفة) هلهلت تقل ربان
سيل عروم وطم روس العدامة = وردو سنا سيلة طويلين الأيمان
اللاش طاح وقال مامن سلامة = واللاش سب اليوم غيبات الأذهان
العود مايلحق علينا ملامة = ليته تحلى يوم حس الثرى كان
ياما ذبحنا واحد من جلالة = من ربع مشعانن ومن قوم فرحان
وابن كحيل اللي تجينا علامة =اللي على سور المناكيف عنان
وقال الشاعر سميرالبراك :
جانا العواجي حاذفن تقل جالي = يوم ان ربي دعثره طاح بالظبق
جانا وجيناه الظحى بالعيالي = صكت مكن ماهي بكل التوافيق
يوم انتحى المظهور واقفى الحلالي = ساروا عليه اقروم ربعي هداليق
وبن سويلم شاف ظيم الليالي = بيته غدى بيمان ربعي شوايق
جا الهندوان ومحجره والدلالي = مع راس محقانن على فكة الريق
وهذا السرى والا ترى العمر بالي = والعمر ماهو دايمن للمخاليق
وقال أيضا :
بديت ذكر الله عزيز الجلالي =الواحد الماحود علام بالغيب
يامزنة غرى نشت من جبالي = تزي من الروضة اليا ادنى زواجيب
على شريفة هلهلت بانهشامي = قامت تقرط مثل حذف اللعابيب
والشيخ فديناه تسعين غالي = وابن كحيل اللي يذكر به الطيب
ما شفت الأيدا في يد القوم مالي =من كفكوا خان العيون المعاطيب
حلفت يامن عقبها مايوالي = مخلاص من قفى ولاله مطاليب
ويقول عايض الابيتر الجلادي مخاطبا شخص من عنزه
وش انت خابر يوم كاين النعيمين....... بيمن ((شريفه)) يوم سالت دماكم!!!!!
جيشك(............) قضينابه الدين....... رحتو كما الحنشل وخذنا حذاكم!!!!!!
بني رشيد اللي تضد المعادين....... اولاد عبس وفعلهم مايخفاكم!!!!!!!!
ويقول معلث المقوعي مخاطبا ابن عبار العنزي:
الله يعرضك الوشا يابن عبار....... من يوم ماوايقت الجبال الطويله!
ماشفت ((بشريفه)) قراطيع الامرار!..... ولا تجوز وتترك الهرج طيله!!!!
ماشفت يوم عج الرمك ثار!!!!!....... خلت على ((الويلان)) جوله دبيله
من سبنا ماكنه الى ذنب فار....... والمعتدي نلعن ثوى جيل جيله!!
و يقول معلث المقوعي مادحا دليم بن براك:
واخوات بقشه شمسهم يوم غابه ******* نزل لهم بين النفود وجلدها
بايمن شريفا يشبعن الذيابه ****** اولاد وايل طير شلوى جلدها
تسعين لحية كلهم من قرابه **********غير الرجال اللي اتعدد افندها
واخر مانقول ماقال فارسنا عنترة بن شداد
لا يـحـمـلُ الـحـقْـد مـن تـعـلـوا بـه الـرُّتَـبُ *ولا يـنـال الـرضـا مـن طـبـعــه الـغـضــبُ
لـلــه درُّ بـنــي عـبــس ٍ لـقــد نـسـلــوا=مــن الأكــارم مــا لــم تـنـســل الـعــربُ