مشكورة اختى / الهنوف
وبعد الاذن
حبيت اضيف لها بعض المسات
أبي ارتاح علمني دخيل الله أبي ارتاح=علامك يالغلا غايب ولا حنيت لأحبابك
وش اللي ناويه فيني تعيشني ألم وجراح=حبيبي لو تريحني ترى روحي تحيا بك
سهرت بيدي الهاتف عسى الليلة تهل أفراح=عسى تذكر غلاك اللي تحبك وان بدى عتابك
كأني طفلة(ن)تفزع لياليها وبدت بصياح=خذتها أمها بالأحضان وتمنيت الحضن جابك
يمر الليل أناظر صورتك لولا الفجر يجتاح=كذا أقضي صباح وليل أدعي تمطر أسحابك
صباحي آه من دونك بلا سكر..بدون مزاح=وأي صباح ياخلي ونورك ودع أصحابك
ولي من أركب الموتر أحس ريحك بها ينفاح=وأحس من الوله أحضن هواك وريحة ثيابك
وأسمع غنوة الماجد وحشتيني وكذبك لاح=أمانه كيف تهديني وحشتيني مع غيابك
أحسب انك تناديني وأطير بشوق دون جناح=بدون شعور صدقني أجي بالشوق يم بابك
وأنا والله يذبحني شعوري لي كتمته باح=فضحني زود شوقي لك وانته بارد أعصابك