السلام عليكم ورحمة الله وبركاته
اقبلوها كما هيّ .. فـ ليست سوى .. وجهة نظر
غربة الانسان .. مجـداف القصيـد=سفنها الاحزان .. والشاعـر بحـر
صدرها القبطان .. وانفاسـي عبيـد=وشطّها الحرمان .. والميناء الصبـر
صوتها الامواج .. واحروفـي جليـد=والفضاء المونتاج .. والضيقة صور
عمرها المحتاج .. واسنيني رصيـد=والجروح التاج .. واحلامـي قصـر
اطوي الاشواق .. واحساسي بريـد=واروي الاذواق .. من وجهـة نظـر
لا رضيت افراق .. ما يرضاك عيـد=والحيـاة اوراق .. والفرقـى جمـر
والضياع ادروب .. واحزانـي تزيـد=وكل وقت اغروب .. شمسي تحتضر
والفضاء مغلوب .. والطعنـات قيـد=والوصل محجوب .. والدنيـا خطـر
وغربة الايـام .. تكتـب مـا تريـد=وتحفـر الاقـدام .. دربـي والقبـر
وانسف الاعوام .. وابدأ مـن جديـد=وتصرخ الاحلام .. كااافي يا بشـر!!
لو شربت الليل .. مـا يرجـع فقيـد=لو تعيش بويل .. مـا تـرد القـدر
لو دموعك سيل .. والنظـرات بيـد=ما غمرت سهيل .. لو عمرك سفـر
هاجر الاوطـان .. ومسافـر وحيـد=واسقي الخلان .. من عمري عمـر
ليلي الاغصـان .. وايامـي جريـد=وعامي البستان .. واشهوري شجر!!
وسلامتكم ..
مع فائق التقدير .. اخوكم ابو نايف