[فيصل ابن عدله]

أضحك مع الصبيـان وارمـي عقالـي
أمـازح عتيِّـق وامــازح معيتـيـق


أفـرّح قليـبـي ورى شـيـن فـالـي
وأصبِِِِِِِِِِِح وانا مقْوِِي واجامل على الريـق


أخاشـر الشعّـار والـعـب والالــي
واقـوّم الصفّـه قوافـي وطـواريـق


موثِّـق الخـوّه بـصـدرن شمـالـي
ومعاهد قليبـي علـى فرجـة الضيـق


أثـر العـرب ماهـي بهمـي وحالـي
ولا لـي معاهـم لا عهـود ومواثيـق


ياكبـر لقمـاتـي وياصـغـر جـالـي
أَكـفْ اجسِّرهـم بـرفـق ومشافـيـق


العين تشبـع وايسـر الجـوف خالـي
ولا لي من الشربـه ياكـود التشاريـق


وتُرمـى علـي القـذرة بـدون والـي
وماغير اجنبهـا عـن الـدرب لاتعيـق


ماودي ارفـع إيـد وابطـش واعالـي
مـاودي اضايـق ضعـاف المخاليـق


وقالـهـاعبدالرحمن رفيـقـي وخـالـي
ويضرب على صدري.. يقول/ افهم وفيق


للحرغفـلـة تـوثـقـه بالحـبـالـي
والبوم غافـل طـول عمـرة توافيـق

الموضوع الأصلي: أجــامل على الريـــق | | الكاتب: فيصل ابن عدله | | المصدر: شبكة بني عبس