قصيدة مليئة بالحكم والمواعظ وهي نصيحة لــكل الشباب من الكبار والصغار وهي قصيدة لــــشـــــاعر المـــرحوم
( مـــُِـحــّمــد إبـن عـَُِــيـَـاد الَِبــُــراك )
وينصح فيهــا أبنـــــة نــاصر واليكـم القصيـــدة......
يقول ابن عياد قافٍ ثمــين ترى النـصـا يح قبـلنـا ينـشرنـي
أنصحك ياناصر ترى النصح زين دامك صغير وتفهـم الهرج مني
الدرس زين بالمعــــاني حسيــن وارجيك تالي الوقت لخاب ظني
غديـت شايب وادبحت السنين ماراح من عمـــر الـفتـى مايـثـنـي
قم بالفروض اللي على الناس دين صوم وصلاة وحج تراك ســنــي
وترى زكاة المال حقٍ يـقـيـن فرضـــهــن المعبود يوم انزلني
وأحذر تنـــاسى حشمة الوالدين أمك وابــوك ان غبت كلن يحني
وشهادة الله والرسول الامين تنجيك يوم الناس كلن يوني
وخلــك على جارك حريـص وامين ان طالت الايام ولا قصرنــي
واحشم خويك لو تطول السنين ترى العلوم الطيبة يذكرني
لاترافق الا ربعـــة طــيــبـــين ترى دروب المرجـلة يعجبني
ولخبل عيب مرافقة ياظنين من رافق الرديان ماصار فنى
واحفظ حلالك كان قلبك فطين يغنيك عن ربعك ويغنيك عني
وترى قليل المال مالة عوين لو ناط مايحـرز يطيـح امتثني
صلو على المختار ياسمعين عدة نجوم بالسماء يطلعني