ضم الندى عودك ذوت روحي بعدك = وأنا فدا سودك تسلم لي علا
سودك ومن جودك تلد لمفتقدك = أنا وقلبي والمعاليق دخلا
نشّـد عن أحبابك وعلم من نشدك = دنيا مهي دنياك مافيها حلا
يا مكثر الضيقات بدروبي وحدك = وبدقه النسناس ودروب الفلا
وين أنت دورك الخفوق ولا وجدك = ولا جاز عنك ولا استخار ولا سلا
وعذري لعيني كلما أتلفها سهدك = عينٍ لها خلان ما فيها بلا
وين انت ماكن بوطن شوقي شهدك = وماكن صدري بالتباريح إمتلا
عينت خمري ٍ تعتق من رغدك = ثلثين عشاقه سكارى وقتلا
دورت مفجوع الضلوع وما وجدك = وما جاز منك ولااستخار ولاسلا
ريح ملايكتك ولاتكلف جهدك = والله لا قبلك ولا بعدك ولا
ماعندي أحلى من شهدك إلا شهدك = ولا عندي أغلى من غلاك ولا غلا
يا مدفي اللي كلما غرب سعدك = فززت غدرانك واونست الغلا
تعال ويلم النسايم في وعدك = ونحمي الريضان ونكحل هلا
ونسمي الحزات تبشر في سعدك = وندني لأدنى نبض فينا ونعلا
ويبدأ حديث الماء يسلسل من بردك = قصة حياة الماء من أولها إلى
الزعيم: مساعد ربيع الرشيدي