السلام عليكم ورحمة الله وبركاته
الاعزاء
صباحكم ورد
بعد فترة الغياب الخارجة عن الارادة
اعود هنـا
واقدم هذا البوح المتواضع
عل وعسى ان ينال ولو على القليل من استحسانكم
تعبت اوضحلك عن الحب والشوق = والدافع اللي داخلي من غلاتك
سقت الغلا لعيونك السود انا سوق =كان الطموح اكون شي بحياتك
سمعت كلمة كل مطرود ملحوق = صبرت وشفت ان الجفا من صفاتك
اما اجي وارقى على العاليه فوق = والا الفراق وبحتفظ في وصاتك
واستر على ماشفت ماني بمطفوق = واعيش يومي في غلا ذكرياتك
فيك الخليط [ اخلاص مع طيب مع ذوق ] = سبحان من كمل ملامح حلاتك
جاك الغلا ماهو مثل كل مخلوق = وعزيت قلبي في وفاه ومماتك
ياكم طرى طيفك وجريت طاروق = عنوانها خاب الامل من سواتك
ماعاد لك عندي مواثيق وحقوق = لاتوضح الموقف حلاوة شفاتك
ودعتك الله يالغلا مات هالشوق = فارقتك الليلة ترى من غلاتك !
[ مفلح سعود الرشيدي ]