اعجبتني فنقلتها لكم
يا شينها لأطاح دمع الأكابر=ياهي كبيرة في عيون العصافير
يالي طعونك تقتلك لأتكابر=لاتعتذر ..مليت كذب المعاذير
شفني وتعرف كيف لاقيل صابر=شفني وتعرف ويش تعني المقادير.
أضحك وفيني للمواجع مقابر=أبكي وضحكي ذنب والدمع تكفير
اكتب ودمعي صار حبر المحابر=ويخون في صدري للاوجاع تعبير.
أنا-أنا- على مثل منت خابر=بس الزمن لة باكثر الخلق تأثير
عابر شمالي)* شح بي وقت عابر= وأشح بدموعي عن الناس بامير
أهمس وصوتي تشتهية المنابر=ويضج صدري طعنتين ومسامير
*الحب* لابو الحب مقطوع دابر=ماهي قضية خنجرين ومخاسير
شيَ أنكسر مالة مع الوقت جابر=وخل الجروح اللي بصدري مسابير
ماقلتلك هالحزن فيني مثابر=وصدري قفص وقلبي بة الطير
باللّة قل لي كيف ودك أكابر=كيف أعتذر وأحكي عن الدمع تبرير
ما قلتلك لو طاح دمع الأكابر=ياهي كبيرة في عيون العصافير