باريس نجد
هذه القصيدة فازت في مهرجان الغضا 28 من ضمن أفضل القصائد في عنيزة وهي إهداء مني لمنتدى عبس
سلام مني لاهلك كبار وصغار = تسليم وافي يندفع من غريزه
سلام ياعنيزه ويا ديار الاخيار=يامن ملكتي بالوفا كل ميزه
سلام يا بن سليم يا نسل الاحرار=راع الجهود اللي تزين عنيزه
الكم فضل بعد الله بكل ماصار=نالت تطورها بفتره وجيزه
وقامت توجه يمها كل الانظار=العلم منها وللحضاره ركيزه
باريس نجد اللي لها صيت واذكار=تبقى وترقى بالنفوس العزيزه
وصلت مراحل غيرها دونه اقصار=وعلي أقلدها البيوت الخزيزه
ياالمملكه في ضل وافين الاشبار=كلك تطورتي بفتره وجيزه
بالعلم سرتي للثريا والاقمار=وبالمد محدٍ ينكرك ولك ميزه
خيرك يعم الناس في كل الاقطار=وفود يمك في جوازٍ وفيزه
وحكمك نزل من فوق مع سنه ابرار=دربٍ علا شانه للامه يجيزه
ومن طمع بحدودك له السيف بتار=الراس من صفت متونه يحيزه
مطوعٍ قبله رجاجيل اشرار=من سلم من ضربه عقل من وزيزه
وهلاً هلا باللي يجون الك زوار=ترحيب وافي يندفع من غريزه
مني عن اهلك كلها اكباروصغار=يامن ملكتي بالوفا كل ميزه
الشاعر/ نشمي دغيمان الرشيدي