أوهـام .. وحـقـايق ! جديد بندر نواف الرشيدي
- الإهداء إلى ..
الصديق الشاعر الأمير/
بدر بن محمد بن عبدالعزيز آل سعود
( أبوفهد )
- حفظه اللة ورعاه -
يابوفهد مـالك ومـال .. الحـقـايق
تسأل علامك ؟ وبسؤالك تعمقت !
إفرض بأنّي ياالأمير .. متضايق
أكيد من قبلي مجرّب وقد ضقت
خلّ الظروف إلحال ، وإنسى العوايق
واللي مـع الأيام شـفـتـه من الــــوقت
والرغبة اللي دونهـــــا .. ألف عايق
والحب الأول .. كيف فارق وفارقت ؟!
غير الصور .. أحرقت حتّى الوثايق
واللي بقـى منهـــــا شطبته وشقّـقت
ياأمـيــر أنا جـرّبت كلّ الطـرايق
ولاكنت أصدّق لين بالعين برّقت
حقيقتي أوهــام ، وأوهـــامي حقايق !
مجنون / عاقل .. في كلامي لادقّقت
ولو كنت رايق ماني اليوم رايق
ولاحدٍ يسلّي خاطري لاتضايقت
شعر/ بندر بن نواف الرشيدي
|