ردية رائعة وجميلة بين الشاعرين/ حميد بن فحيمان الرشيد وحسين بن عبدالله الظفيري
يقول الشاعر/حميد:
ياحسين لو تعلم عن الحال ياحسين=والله ماتكتب علينا ملامه
يابو عبدالله عند حارسك زامين=وعلى من ناب الردايف غرامه
ياشوق من عافت جميع المحبين=وشامت لكم من لابسين العمامة
قلبي غدا ياقرم الاولاد قسمين=ويكفخ كما المومي براس العدامة
جرا عليه ما جرا لك من الزين=ايام يوم الحب علق زمامة
اركا علي بمرهف الحد عامين=لين اللحم راحت تقارش عظامة
عليه عديت الثلاثه ثلاثين=شريت من ماه وطرحني هيامه
وبعدما وصلت القصيدة الى حسين رد بـ:
الف هلا باللي كلامه بدا زين=مثايل(ن)يشكي بهن من غرامه
يشكي لنا من حب ضاف الجديلين=اللي سبا حاله وكدر منامه
من لامكم في حب سيد المزايين=لعل حاله كل يوم بندامه
واللي برا حالك جراللي من اسنين=ويا مارقينا براس العدامه
ونوب(ن)يسيح البال ونوب(ن)حزينين=وعندك خبر حلو الهوا وانتقامه
ويا ما قعدنا بالرجاء سبعة اسنين=وانا احمد اللي مابعد صك جامه
الواحد المعبود وال المساكين=حلل اعقدها يوم صارت قوامه
وحنا لحميد بحاجته مستعدين=وليا ورد عد(ن)علينا مقامه
ان كان بالمال ندفع ملايين=وليا طلب زود(ن)نجيب التزامه
وان كانها بالحرب تبشر بعزين=في ماص هندي مضربه وسط هامه
والياكترب حبل النقابين صفين=ننطح وجيه المقبلين بجزامه
والمعذرة عن القصور
:( :(