[رشيد]

قصيدة مفعمة بالإحساس.. جادت بها قريحة شاعر جزل..




وقفت بين الحلم والواقع على ركبه وساق

* وعيني على درب الحنين تبيح سر أشواقها

ماضي مضى يا سعود ما بين المواجه والفراق

* هاك السنين اللي على الخاطر حكيم وثاقها

يهزني سلك الضمير وجبت مكنون العماق

* وانا مناديب الهجوس تسوقني واستاقها

اكتب من احساس الزمن.. واكتب من احساس النطاق

* قريحتي صعبة ولا ترضى بغير اذواقها

إن ما حضرت بهيبتي والا رحلت بما يلاق

* والا عسى عمر الشجر ما طاح خضر اوراقها

البارحة ليله مساريها على الساري ضياق

* يوم ان رجلي ساقها للقدرة اللي ساقها

الجادل اللي من غلاها شلت حمل ما يطاق

* مريت مدري مرت الذكرى مكان فراقها

جتني مثل مزنة عصر واقفت مثل برق الحقاق

* وان عودت تلقى المشاعر ما محت ميثاقها

اغليتها مثل البدو لا اغلت مزايين النياق

* وزود غلاها وسط قلبي دلها واخلاقها

منول اجهل في معاني الحب معنى الاشتياق

* والحين حاوي للمعاني جلها ودقاقها

وفي قربها كني مع الايام داخل في سباق

* وفي بعدها علقت صورتها على معلاقها




كاتب القصيده وأسمها :

الشاعر / سلمان المقاطي.
سلك الضمير!!

الموضوع الأصلي: سلك الضمير !! | | الكاتب: رشيد | | المصدر: شبكة بني عبس