اتثاقل كلمة أحبكـ وهي 4 حروف (مشعل النون)
السلام عليكم ورحمة الله وبركاته
الان مع شاعر المليون
مشعل النون الرشيدي
الليل ما غطى بدر والشمس يحجبها الكسوف=والمرء تعرف نيته من منطلق فعايلــه
تعال يا اسمى غلا يسعى على راسي ويطوف=بعلمك عن ماشكى صدري وعن شكواي له
أبشرح الموضوع كله وأنت قلي وش تشوف=تعبت أجامل خاطرك وأقدره وأحايله
كم لي اردد جملتي يا الله عسى الصبر امخلوف=من مهمية خافق(ن) بذل سبل وسايله
الصد جامد من صخر والحب خفاقه عطوف=مسكين مفهوم الحنان الي عكست ستايله
لوأن شوقي مكتبه ملأت بي كل الرفوف=ولو أن قلبي مجتمع يتمت فيني عائله
وأنجيت احسبك بالغلا طلع عدد ماله وقوف=ومتوقع أني ما اوصله على كثر ممشاي له
وانت اتثاقل كلمة وهي أربع حروف=الظاهر أن المسألة بيني و بينك طايله
أطلب سعادة شوفتك وتقول لي حكم الظروف=وأنا على شوفك نذرت أصوم وأذبح حايله
يعني مطوفها علي يا الله على شانك تطوف=مع أني ادري وش وراء حدب الضلوع المايله
وغلاك تدري شيء واضح ياحبيبي ومعروف=وأكبر دليل أنك موريني نجوم القايله
لالا توظفي غلط ماأعتبر ضمن الصفوف=أنا اتعداهم نجم وأبيات شعري هايله
شاعر مفوه وآتقدم و آكل لسان الخروف=والحمل بإذن الله على ظهر المعاني شايله
لكن على قول المثل حط النقط فوق .... الحروف=مادام تدري بآخر الدنيا دبور و زايله
وحده من الثنتين قلها يامواصل يا نكوف=لاني تعبت أمسي على برق الامل وأخايله
وبعد ألتفت حسنك وتمتم بين أوف وبين أوف=صار الجواب بصمت مضمون الدموع السايله
قام يتبعثر حزن ويمش العباير بالكفوف=والليل موحش والهواء يلعب على جدايله
لقاء كان يعلم العشاق كيف يذوب جوف=/الحزن/ والتجريح / والتنهيد/ من سلايله
أقبل على دمعة لقا وأقفى على فرقى وخوف=وأصبح على وجه الندم من منطلق فعايله
الوضع جدآ مختلف مثل النوايا والظروف=مثل اختلاف الخلق كل(ن) تظهره عمايله!
مشعل النون
| توقيع محمد السنيني |
|
We are coming
|
|