[دعاني الشوق]

[poem="font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أشوف الهم يطوينـي عذابـه=وطير الشوق في نبضي سرابه
لشخصٍ بالغلا تـوّج حياتـي=كسى وقتي معه فرْح ومهابـه
تعمّد بالغيـاب يهـز فكـري=وهو يدري بقلبي في غيابـه
على أوتار التغلّي قام يعـزف=وأنا أوتار الوله فينـي كتابـه
ولالي في هواه اليـوم حيلـه=وأنا أدري ماله فـقلبي طلابه
فقدته حيل وأضنانـي خفـوقٍ=قفل في وجه نور العقل بابـه
فقدت المرحبا وأهلين وأهـلا=وكاسٍ في لقاه اعشق شرابـه
حديثٍ عذب مابه علـم شانـه=لذيذ السكب يمطر به سحابـه
عطور الود نفحاتـه وطيبـه=وروح الورد تخفيهـا ثيابـه
فقدت النون تتلى عينها ميـم=الا منه اختصر طول الاجابـه
فقدت الضحكة تسرقها عيوني=وتروي سمعي الغايب طرابـه
فقدت اللا وليش وكيف، مدري=فقدت الفلسفة الـفينا تشابه؟
فقدتك ياغلاتي فكـل صـورة=ثقيل أو واحدٍ فاقـد صوابـه
غيابك غربتي بينـي وبينـي=يزيد الحزن في وجهي صلابة
أنا مابيك نبضٍ فـي حروفـي=أبيه بمهجتي يسكن..هلا بـه
وتشرق شمسك بعيني غـلاوه=تزيـح الهـم ويسافرعذابـه


[/poem]

الموضوع الأصلي: اهداء للاجهر | | الكاتب: دعاني الشوق | | المصدر: شبكة بني عبس