عرفت الحب أنا بقربك وشفت بدنيتك أحلام=أبي منك تسولف لي عن افراحه ومعاناتـه
صحيح اللي يقولونه تذوق من الهوى أيـام=وباقي العمر في شرعه ضياع ٍ في متاهاته
ألا ليت الكلام اللي يقولونه وهـم باوهـام=وشنهو الذنب لاشتاقت أحاسيس لعباراتـه
تعال ارسم مواعيدي وخل حبك بحضني ينام=وخل قلبك دوا لقلبـي وعانقنـي بنبضاتـه
أبي حبٍ يعلّمنـي ينسّينـي غـدر الايـام=يقرّبني لهـوى دارك إذا بعـدت مسافاتـه
أبي قلبك يسولف لي عن اشواقك إلين انام=ويجي حلمي يكمّل لي كلام القلـب ودقاتـه
ولكن لو تصدقني أخاف إن كثرت الأحـلام=إذا بعدت نواظرنا أشـوف الهـم وويلاتـه
أخاف استقبل الواقع يعلّمني الهموم اعـوام=ترا قلبـي يعاتبنـي إذا كثـرت جراحاتـه
ومهما تسولف وتوصف ترا قلبي بحبك هام=أبي بس ترفق بحاله تـراه بـاول بداياتـه
للشاعرة:بقايا نبض