وضاح اليمن
جيت من دار اليمن مطلبي كهل الصباء=ان حضر كفاوياغـاب نـادو شكاقيـر
غير هذا وذاك ماعـاد ليـه مطلبـاء=اسمعو ياعبس هذا هو العلـم الاخيـر
المعزب
ماتحكم في مطالبك ياراعـي سبـاء=في بلادك غيرلكن هنيا الوضع غيـر
سرها مسرى الذيابه وعدبها ضبـاء=وان ماجازلك موضوعها عنها استخير
وضاح اليمن
الرسول يقول لاتقـرب ديـار الوبـاء=من قرب دار الوباء لوسلم يصبح ضرير
لي سنه وانا اترجـا ونـادي بالنبـاء=قلت حطونـي علـى مراقبيتكـم مديـر
المعزب
الرسول يحارب الضلم واكال الربـاء=ياكلين القات ماعاد بلـي فـات خيـر
انت عقب اكلت لحمه تبى راس الضباء=وانت ضيف وعندنا نحسبك مثل الاسير
وضاح اليمن
انت وشبك تحذف اللي زميلك يكتباء=طلبتي ماشيلها الا الحقير بن الحقير
راسي اعلا من كلامك وايق باشعباء=والخبل يقعد ويوخذ ليا جاه النذيـر
المعزب
انت قبل اسبوع وايقت في راس النباء=والوادم بالذرا والهوى يصفر صفيـر
مانقول انه جهل مانقول انـه غبـاء=والصحيح ان كل شيأ باهالدنيا يصير
وضاح اليمن
وصل محمد كلامي ياعرب المنسبـاء=مشرف الاعلام ماعاد هو وجهن سفير
الرجل مايدمره غير ضيـق المذهبـاء=وهو اله مذهب يبا يورده في زمهرير
المعزب
ابشر انه يابـو وزره تعشـاه الدبـاء=والدبا مكسور ريشـه ولايقـدر يطيـر
والسما فوقه صحاصيح والارض شهباء=الله انـه لايوريـك هاليـوم الكبـيـر