[العريض]

ودك تنامين؟! نامي يابعد عيني ***** باين عليك التعب من امس سهرانه

من ليله البارحه ..وانت اتداريني ***** شوفي المرايه اعيونك حيل تعبانه

نامي لك شوي لو ساعه وخليني ***** يا بنت عمر السهر ما يغمض اجفانه

ولاني بطاير من ايدك..هذي ايديني ***** مادام فكري معاك اختل ميزانه

لو ترخي الشال لعيوني وتنخيني ***** اجيك فزعه اخو ذبـــــاح لإخوانه

صومي عن الناس سمي وافطري فيني ***** يفداك قلب تربى بطيب جدانه

انا ظلالك مادام الله معافيني ***** اللي عطاك الغلا المعبود سبـــــــــحانه

انا ادري انك نسفتيني..وتلفتيني***** مهما خسرتي معايه دوم ربحانه

نامي وباكر بكيفك ..طلعي عيني ***** القلب شرعِِ لهمك مل بيـــــبانه

واذا غفيتي امانه حيل غطيني ***** برموشك اللي من الأشواق رويانه

الموضوع الأصلي: ودك تنامين نامي يابعدعيني**باين عليك التعب من امس سهرانه | | الكاتب: العريض | | المصدر: شبكة بني عبس