[بدر نوران]

:
:



السلام عليكم ...


من أرشيف المواقف والذكرياتـ ..


اليكم هذه المتواضعه ..



لعلهاا ترتقي لذائقتكم الشعريه .. وتنال رضاكم ووأستحسانكم




[POEM="font="Traditional Arabic,5,darkred,bold,normal" bkcolor="white" bkimage="" border="double,4,darkred" type=2 line=0 align=center use=ex num="0,black""]يا صاحبي ماني من اللي يهابون=ولاني من اللي يتبعون الرديه

ولاني من اللي بالمواقف يخيبون = ولاني من أصحاب النفوس الدنيه

ولاني من اللي للكرامه يدوسون = عندي لدرب العز رسن ومطيه

انا كذا يا(......) مهما يقولون = اعرف طريقي وحافظن للوصيه

وصيتك وصيت رجال يوفون = وعزالله اني معتبرهاا هديه

هذا الكلام وخافي العلم مدفون = هي انتهت ماعاد فيهاا عطيه

وشلون تعطي من معك صار مغبون = ماني ردي من شان تمشي عليه

ولاني عديم احساس بالله وشلون = وشلون صارت هالسوالف قضيه

اقضي نهاري بين الافكار مسجون = واسهر وانا افكر بهالمسرحيه

اقول راحت ناس واليوم بيجون = واثر النوايا فووق تسعين نيه

هذا سؤالي وقدرك اليوم ما يهون = وشلون صار الطيب أكبر خطيه [/POEM]




وسلامتكم ...

أخوكم الوافي


بدر بن نوران الرشيدي . . .



:
:
:

الموضوع الأصلي: شلون صار الطيب أكبر خطيه !! | | الكاتب: بدر نوران | | المصدر: شبكة بني عبس