أحببت أن أهديكم هذه القصيدة للشاعر "مانع بن شلحاط"
وهي بعنوان "زناد الشعر"
.
طبعا هي قصيدة "ساخرة" في الصميم
ينتقد فيها "الحداثة" الطارئة على الشعر "النبطي"
أترككم مع القصيدة
يــا زناد الشـعـر والصوان يا رأس الفتيله=يا سعاطير القصيد ألي توردنا الجهالــــة
شــاعر واخطى أليا غنيت وامثــل قبيله=واشرب الفنجال الأول زود وألت البياله
ما علي من وارد الـ(( بي.ام)) لو طور موديله=واشعراء الصفـحات والمـاكياج فأيام الـبـطالـة
مرحباً يا محمد ابن الذيـب في ظهر الاصيله=واتعذر من بـشوت الـقوم وأصحاب الجلالة
الأدب يحشم وأنا صبح الأدب وأطراف ليله=وشـاعر مـالـه أقـامـه شـعـر أضـمـه بـالكـفـالـة
الجميحي باسمه المعروف معروف وكيله=((ابن جدلان)) الـفـحـل فـالشـعر سوالـه وكـالـه
مـأيـقـند راسي ألا صـوت ((ضيدان)) وزمـيـلـه=لاتراكى الهاجري يحلا القصيد أليا ارتكاله
والـقريـحة تعتـزي بالـشعـر غـاية لاوسـيله=والحداثة في زمان العولمة صارت عباله
يارصيف الشمس يانهود البحر يالله العقيلة=بعثريني ..مري ويش الشيح وهروج النخالة
شمعدان الفجل وأقواس الخراط المستحيلة=وزقـزقـة بنـفسـج الكـركم وجـنـحـان الـبقـاله
خنجر الرسام بيد السحب دفتر زنجبيله=سرمدية يروح الأصوات ويذوق الرسالة
أغنية فراشة الـمريـخ واهـروج الـجديـلـة=قوقعة قمح الحنان وخبزة رموش النذالة
زاوية تسعين فاخدود المرايا المستطيلة=لارحم جد أبو خالة بنت عم البرتقالة
عالم تآكل حروف الهرج ياويش أتحكي له=لعنبوكم ذي حداثة شعر يالناس الحثالة؟
لعنبو حي السفيه ألي يمزمز في سبيله=يحسب أن الشعر فعل يرفعه لا جاء مجاله
الشعر منطق وأدب وأسلوب وألفاظ أصيله=ويش خانت شاعر يقعد على الشعار عاله
اسرق من النوم للفكرة أليا جاته دخيلة=فكرتي بشماغي المـعروف لـبسها عـقـالـه
ليه جعل أبيه من رأس السراط إلى المليله=ما أيـدور فكـرة حولـه عـلى قـده وحـالـه
داوي فكري واغني فوق في رأس الطويلة=اتسيجج من جروح الجوف لو مانيب داله
ونـتي مـماده الأعـمـاق وأودعـهـا نثيله=وغريق الكبد المغره عمد وأودعها انثاله
وقف الشيطان من بيني ومن بين الكحيلة=وكـل مـنـا راح بـجروح أيـداويـها لـحالـه
قد مضا ليلين والليلة أتعد بألف ليله=والزعل ملح الغرام آلي تذوقنا زلاله
والـهرج حده ثلاث أيـام للـمـرء وخلـيلـه=في حديث ألي عليه أزكى صلاة الله واله
لسماعها صوتية اضغط /
هنا
.
تحيتي