بسم الله الرحمن الرحيم
السلام عليكم ورحمة الله وبركاته
هذي قصيدة للشاعر نجر العصيمي
وهي مسندة للشاعر متعب الديري يوم سمع قصيده لااحد الشعراء
وكانت مسنده على متعب الديري واصابه شك بان الشاعر الذي اسند القصيدة يقصده فيها
وهي لم تمسه بأي شكل من الاشكال ولاكن اعتقد انه المقصود
وانشاء الله سوف اضع لكم رد الشاعر متعب الديري في وقت لاحق
لاني ماحبيت اجيب قصيدة متعب الديري اولا...
الان مع قصيدةنجرالعتيبي ويقول فيها...
ابلبس عن العجه مناظر ودرع وطاس=واخيل المزون اللى هواها يجاذبها
وابكتب من الذكرى حروف(ن) على قرطاس=وابنشد هواجيسي وش اللى مسببها
كتبت وقريت بسورةالناس والخناس=علاج الصدور اللى مرضهايعاتبها
وابسند على روحي واجنب جميع الناس=اجنب جميع الناس مخطي وصايبها
لواسند على غيري يجي للعلوم الباس= وانا عارفٍ كل القبور ونصايبها
ابا أفصل على قدي وابعرض على الحساس=ومن يفتهم لحروف الاعراب يعربها}}
يامتعب نبي كلمه بعيده عن اللولاس= على قمة الموضوع من راس شايبها
وان عادتي ماالبس ثيابي بدون اقياس= اقايس على طولي وعرضي وارتبها
ولي مع هل المعروف والعرف كلمة راس=واشوف الصباخي يوم تلمع واجنبها
وليا شفت حفار الجحارة يدير الساس=ابو لحية(ن) ماياصل المدح شاربها
هدمت الجحارة لين تصبح عليه ادماس=على شان مايلقى منطه ينطبها
وعقود الذهب ياحلوة مع عقود الماس=وحديد التنك تلقى حديد(ن)) يقاربها
واحب الحرار وكل شوقي مع القرناس=ولا نمدح اللى سلم المدح عاقبها
لو الناس تفهم كلها بالخطا لاباس= تشوف الدروب العوج قدام تقربها
ابصفي الناتج بعيد(ن) عن الافلاس=عسى السالمي معنا يصفي غرايبها
وحلاة الغرايب عند متعب قوي الباس= خبير الذخاير قبل تاصل ضريبها
ومعاليق قلبي منك يابو فهد يباس=عديت ومشيت وكل سكه تجربها
عرفتك بحام القيظ يالسابح الغطاس=تحب السباحه والسبابيح تتعبها
وانا مالمستك وانت تلمس ورا اللماس=بيمنا شريفه طايلات مخالبها
وكبير العرب مايحرق البن بالمحماس=يحافظ على الحمسه قبل لا يخربها
نبي عذر طيب مانبي عذر ابو نواس=على شان نرصى به وتحمد عواقبها
ولو ان نحبك يالمشاكل ملينا أكياس=نبي نقطع سلك الذبذبه مع تذبذبها