اعزائي الاعضاء
هذه القصيدة للشاعر / عواض عايض العويمري الرشيدي
والبيتين الاولى للشاعر السامر والمطلوب من الشعراء التكملة
وكانت بمسابقة شعرية بمجلة اصداف
وحصلت هذه القصيدة على المركز الثالث للشاعر عواض الرشيدي بجائزة ثلاثون الف ريال
وهي قصيدة مرثيةعن الملك فهد رحمه الله
امل ان تنال اعجابكم طبعت السنه على بيض الاوراق=الله لا يحرم فهد من اجرها
مكارمه غطت على كل الافاق=وسع حرمنا والمساجد عمرها
شيخٍ على فعل الجزيلات سباق=يمناه من دون العطا ما قصرها
ياما ارتوت منها ميابيس الارياق=وكم من زعيمٍ بالمواقف شكرها
لو نكتب الاشعار في كل ما ساق=لا يمكن إنا بالقصيد نحصرها
موهوب حق ودين وافعال واخلاق=والدار في حكم الشريعه سترها
موته افراقٍ ما حصل زيه افراق=ساعة وفاته هز الأمه خبرها
فيها نشى للحزن مزنه وبراق=ديم سماها والمدامع مطرها
يالله يا قاسم مقاسيم الارزاق=يامن عبادك للعبادة ومرها
حسن الثبات اليا انثنى الساق بالساق=تحسن ثباتهوالخطايا تغفرها