عبدالباري
كل ماجيت ساري مالقيت الجماعه=جعل بالامر خير وجعل بالامر خيره
ماتضيع الوداعه عند راع الوداعه=لو يذاع الخبر بعكاظ وألا الجزيره
سلمان
أنت تبغى الجماعة معك في كـل ساعـة=مير ساري ماعرفه شوف لي شخص غيره
يابـن عبدالعزيـز مقدمـيـن الأذاعــة=ألسنتهـم علـى التعبيـر ماهـي قديـرة
عبدالباري
مرحبا بالصحيب اللي يحب القطاعه=ياخذ اشهور عنـا ماعرفنـا مصيـره
يابن عمّار مانصدق كـلام الاشاعـه=مـار قلـي مـن ايـا قـوم وايـاة ديــره
سلمان
البقا بالصحيب اللـي يحـب اللكاعـة=لكن أحيـان ياكلهـا وهـي مستديـرة
يقتنع شخص لكن شخص صعب إقتناعة=وأنت ياراعي الأولى فدتـك الأخيـرة
عبدالباري
وارد العد يشرب لاورد من ذراعه=لعنبو حي من يارد ذراعه قصيـره
الاجابـه يابـن عمّارمابهـا براعـه=فلها مثـل مالشـاوي يفـل المريـره
سلمان
إضربوا مهمهيات الضما والمجاعة=وإتركوا قايد الحملة يواصل مسيرة
كان مالك على فك الرموز استطاعة=لاتقف في نحور مجابهين المغيـرة
عبدالباري
ماتسمـى المذلـه بالملاقـا شجاعـه=الكبيره كبيـره والصغيـره صغيـره
كل هذي مخافه من فلاش الاشاعـه=من تحلاك. يافارس بعين ٍ بصيره؟
سلمان
أنت تطمع ولا نت محصلٍ لك طماعة=ساعة وتلتمس عندك سلوك الظفيرة
وش مدخلك من بين الفشق السراعة=وأنت مالك ذخر منها ولا لك ذخيرة
عبدالباري
احسب انك بيسر اتقول سمع ٍ وطاعه=واثرك ابعد من الملقى وبطحى سميره
انشد الفارس اللي طال بالفعل باعه=مانشد اللي يسوّق بالمفالي حميره
سلمان
تحسب إني.. وأحسب إنك بحر دون قاعة=وأثرك قريب معشا وعينك ضريرة
ليت ابو زيد دون الياس يطوي شراعه=قبل لا تنتحي فيه البحور الغزيرة
عبدالباري
كل ما قلت ضاق شوي زاد اتساعـه=حنجره يبلـع اللقمـه ولوهـي كبيـره
مار انا معه لين الفجر يطلع شعاعه=استهلت على الهضبه ثعول النديره