[ناصر خنيفر]

اقتباس من مشاركة غازي هذي مشاركتي بمسابقة الابل ياماحلا شوف النياق المغاتير=ترعى الخزامى في حجار الحمادي بأرض ٍ نباها طرق حمر العثامير=واسفل وطاها بين حاجر وادي وضح ٍ كما قنوف المزون المزابير=لاساق شرق وهب نود البرادي ارقابها اسيوف العيال المناعير=وخشومها منقار طير الهدادي قلبي يرفرف مثل مايرفرف الطير= من حب غيدا وحب وضحى ً سنادي الابل غير وليحة الوضح لي غير= لو كلها خلق ٍ لرب العبادي غازي

ترى العمده فيه لقافه لوالموضوع مايعنيه يجاريه

ياماحلاشوف لبيوت المقاطير = بحد السهل مقطع حمار بسوادي
بيوت الشعر يوم السلف والمضاهير= يوم الضعون ويوم وقت البوادي
بديار عبس مكرمين الخطاطير = بالطيب كلن للكرامه ينادي
ومصافق الاذواد ورد ومصادير= اللي ورد واللي سرح للمنادي
وشوف البنات المترفات الغنادير= اللي مشاهدهن يريح فوادي
وتكمل ليا جتنا علوم التباشير= وقفا المصيف وقالو سهيل بادي
وساق الخيال بحكم راع المقادير= ونقر لها الشرقي بلطف وركادي
وهلت قبل لاتغرب الشمس باعصير= سحبن تروح وسحب تاتي جدادي
من العصر حتى غردن العصافير = ماخف حتى الروى النفود وحشادي
وبعد الشهر بانت جميع النواوير= ريحه يشادي ريح مسك وزبادي
وجونا ربعون مثل غازي مسايير = وذبحت ذبيحتهم وجيب القنادي
في روضتن في حاجره غرد الطير= في كل يوم ونبتها بزتيادي
هاذي طرات العمر مابغا الدنانير = لاخير في مال ٍ وراه النفادي