[سلطان الغرام _]

الجادل اللي يسوق القلب طاريها
وتسوقني مثل ماتساق البعاريني

|×|×|×|×|×|×|×|×|×|×|

وانا نظر عينها وان طحت بإيديــــها
وهي ما بين الظلوع وفي شرايني

|×|×|×|×|×|×|×|×|×|×|

وليتها الحكم فيـــني قــل واليها
وايضا كسرت القواعد والقوانيني

|×|×|×|×|×|×|×|×|×|×|

يرعد ويبرق قصيدي فــوق واديها
حتى اصبحت بين غدران وبساتيني

|×|×|×|×|×|×|×|×|×|×|

حتى القصيده بصوتي قمت اغنيها
ولو ان صوتي ماهو مثل المغنيني

|×|×|×|×|×|×|×|×|×|×|

حاديني البعد واهي الخوف حاديها
وصابر وانا جمرة الأشواق تكويني

|×|×|×|×|×|×|×|×|×|×|

في حبها قد عطــــيت القـــوس باريـها
وسلمتها الجرح واهي اخطر سكاكيني

|×|×|×|×|×|×|×|×|×|×|

ومادام طعناتها في قلب غاليها
محدن بناشد وراها لو تــــذكيني

|×|×|×|×|×|×|×|×|×|×|

الورده اللي روت من فيض ساقيها
وتصدرت بالقصـــــيد أول دواويني

|×|×|×|×|×|×|×|×|×|×|

ماهو بكيفي ليا من جيت ساريها
الوصل والشوق والذكرى تعنيني

|×|×|×|×|×|×|×|×|×|×|

يصيبها الحظ نوب ونوب يخطيها
وانا مجرد حنين الشوق يكفيني

|×|×|×|×|×|×|×|×|×|×|

يسعدلي ايامها ويســـعد لياليها
لو ان دربي يسار ودربها يميني

|×|×|×|×|×|×|×|×|×|×|


الله هو اللي ليا مالت يسويها
والله يزين امــــور العــبد وتزيني