ابا اتمنا والمنـــــــا مابـــه اخيـــــــور**** لاناقص(ن) حال(ن) ولازايد(ن) مال
الله على اللي شطهــــــا ينبز الكــــور*** امشيمه عامين وهي على احيـــــــــال
ترعى طراة علو من مدهل الخــــــور*** ولاصفقت لين اول القيض كـــــد زال
فج المناكب نافحات(ن) عن الــــزور*** والوصف مثل احبيبه منوت البــــــال
شيبا قرى المتنين من مجمـــع الكور *** ماكاد راعيها مضامي ومحـــــــــــوال
من العيا يصيبها تقــــــل حـــاشــــور*** وركابها زود(ن) على الهم بكتــــــــال
لولا الرسن في كف يســــراه مقصور*** تشره على فرت(ن) تزلزل مع اسهال
منوت غريب(ن) قطعت اسنين مجبور *** لبسه جديد وبـــــــدل اللبس ببــــــدال
يبـــا فــــراق مــــولعت كــــل دافــــــور **** يبا ربيـــع القلب ومقـــابـل ارجــــــال
ترجيــــه من جيبــه على النهد مزرور*** عمهوجت(ن) مادورت فيه الابـــدال
صح لسان الشاعر رابح العويمري
ويعطيك العافية اخوي ابو فهد العويمري روعة نقل متميز
تحياتي لك