هذه القصه يقال انها حدثت فى احدى كليات المملكه العربيه السعوديه لطالبه وزميلتها
وتقول القصّة ان احدى طالبات الكليه كانت تسكن فى احدى القرى وكان يغلب عليها
طابع البداوه من حيث لبسها لقلة ذات اليد ، وكانت من المتفوقات فى دراستها
وذات يوم مرت احدى الطالبات ورأتها فقالت شوفوا البدويه .. فحزت هذه الكلمه
فى نفس الطالبه فلما وصلت بيتها كتبت هذه القصيده التى هى حقاً رائعـــــه
ارجو ان تحوز على رضاكم :
ايه ابدويه ريحتى بن وبهار=هذا شرف ماهو بحقى خطيه
انا ابدويه بنت حرِ من احرار=فزعات ربعى بالشدايد قويه
انا هلى يابنت وافين الاشبار=كانك جهلتى من انا ياغبيه
ياجاهله ماتغذى الشمس الانوار=حنا كما شمسٍ على الارض ضيه
حنا هل الطولات هيبه ومقدار=حنا مثل للشرف والحميه
حنا الطنايا للكرم رمز وشعار=حنا خوينا مايخلي خويه
الذيب يوم انه عوا وسط الاسعار=عشوه ربعى من سنين مديه
يوم ان جدك وثق القفل بالدار=بيت الشعر مفتوح صبح وعشيه
للضيف ريف وللمعادين جبار=نرد الحياض ولانهاب المنيه
يابنت لو بكتب من اشعار واشعار=تعجز عن المعنى حروف ابجديه
ويابنت خلى اللعب لعيال شطار=لاتدخلين السيل وانتى نديه