تاريخ سجّل
البــارحه عـجزت من شفــت لا فيـــق
ارفـع حـجــاجي فــوق لا يسيل دمعي
تـــاريخ سجـّـل واحـتِـفـظ بالمــواثيــق
كانك تشــوف انـــه صدق راي رمعي
سـبعــة جبــالٍ نــايفـــاتٍ شــواهــيـق
وزمــامهـن مــلــــموم ثمــــان جــمعي
الــدرع حـاديهن عـلى نشفــت الـــريق
ولاني مـكذب شــوف عيني وســمعي
قبـل امس اشـوفه يبرح الارض لاويـق
وعليـه حملن لـه على الشمــس لـمعي
أشهر من اسم طويق وأثقل من طويق
وله هــــيبه اكبر من نوى فيه طـــمعي
يوم اوقفت بوجيـه هــــاك المطــــاليـق
الخــاتمه مــاهـــي رجــاوي وهــمــعي
لا تقـــول كـل اللي نشــوفــه توافـيــــق
الليـــل لــــيـل الله والشـــــمع شـــــمعي
مدري نهـايـة وقـــت وإلاّ مشــاريـــق
بـس الأكــيــد إنــه عـظيــــمٍ وزمـــــعي
لـي خـاطـر ابـدي ما لــــجـا بالمعاليـــق
لــكن على الله يـوم شـابت علـى امـــعي
استصنع الضحــكه لياصرت في ضيق
يــوم الـزمن ســاوم على اظهار دمـــعي
صياد عيد الأسيحم الخياري