على سطح الخيال وشاطي الواقع وصوت الموج = وذهاب الليل وانفاس الصباح ودقة الساعه
اعن اعنان وسرج ضهور العاديات ا سروج = ولاقي قوم قوم بصبح يومٍ قلت اسناعه
بجيشٍ مايشبه غير في يا جوج ياماجوج = ليامني زهمته قال لي السمع والطاعه
وادك احصون فوق الارض وابني للنجوم ابروج = واصير اللي تمكن بحتلال السطح والقاعه
انا لمن هرجت ابمفرداتي ماهي بي اهروج = ليامنه سمعها ضعيف سمع يحط سماعه
سبايك من ذهب ما ارضى يجي فيها ضعاف وعوج = ولا ارضى واحده من بينهن ماهي بلماعه
اقدمها هديه للجميل الغالي الغنوج = راعيت المنحر اللي بالضلام يشع شع شاعه
ابا اشرح له ضروف الشاعر اللي يصتفق ويلوج = على الذكرا ليامنه ذكرها هاذي اطباعه
مابين الشيخ والرجل الحكيم وسرعة المرجوج = سوات اللي يضيع بين مدخاله ومطلاعه
مضلل رمشها الخلاق ومروج بفمها الروج = جماله ويش اوصف به من اصباعه الى اصباعه
الشاعر