[غازي]

اقتباس من مشاركة ناصر خنيفر من عندي الطاروق انتها ونعود في وقت شاي الضحاء متى ماسمحت الضروف شكرا غازي ممكن سوال انت تعرف الجحش انت تعرف الذيب انت تعرف السبع الضاري انت تعرف القاضي1 انت تعرف وضاح اليمن انت تعرف البرق الخاطف انت تعرف ناصر الشويلعي وهل سبق وان لعبت معهم وين قضيت حياتك انااول مره اشوفك والحقيقه شاعر داهيه

ياابو خنيفر المعذره عن التاخير
شيباني عزموني على هاك المفطحه وهاك السواليف ونسيت الكمبيوتر شغال ولاعودت الا بعد العصر
اسمحلي الله يطول عمرك
اما سؤوالك
الجحش انا اول مستحي لانشدك عنه مير هالحين علمني عنه انت والله مااعرفه
واللي قلت هذولا مااعرف منهم الا ناصر الشويلعي مراقب وشاعر كبير الله يستر عليه
شاهدته يلعب مع ناصر الخياري على قناة الصحراء
اما شخصياً والله ماعرفه
الباقين ولا واحد اعرفه
الا انهم شعراء كفو شفت قصيدهم بهالمنتدى
اول حياتي عايش بدوي في هالبراري والشعبان
ثم موظف ثم متقاعد
والي ست شهور اتعلم على الكمبيوتر واتدعس بالمنتديات وادور اللي مثلك
ونوب الخبط بالكمبيوتر ويتعطل ولاعرفله لين يجوني العيال من الدوام ويشغلونه لي
واصبر علي حتى افهم على الناس هذي والمواقع
الله يكرم اسبالك
والمعذره يالشاعر العظيم