[سالم الرشيدي]

الليالي أَمفرقه راحل وذي نزاله
محاورة بين مرشد البذال وشبيب بن جعيلان الدقباسي وعبدالله اللويحان

قال مرشد
يا جماعة كل طير يشبعه منقوره
والمواقف ما تصح الواحد بالحاله
اسمعو من واحد متبين ميسوره
ما يصير انا نخرب وقفت الشياله

قال شبيب
مثل ما تذكر لشك الملعبه محضوره
اختلط جيش تطارد قدمها الخياله
كل من به مرجله ما هي عنه مقصوره
من ركب له سابق بالضيج رخا حباله

قال مرشد
كل نفس ما تواشكلها السنع مكبوره
والاديب اليا حضرنا ما نخرب فاله
كل طير يا شبيب رغبته بطيوره
وعرف ان الرمح مفروق من التغزاله

قال شبيب
يا بوعبدالله ترا كل على مقدوره
لا تغثرب بول الجمه يجيك احثاله
الرجل حاضر مهو قدام وجهك صوره
اندبه بسمه وياقف قدمكم بفعاله

قال مرشد
ان وقف قدمي عزيز وقفته مشكوره
ونقعد ما نيب القاعد كثير ارساله
ما حظرنا خطت من سوها مخطوره
اسمعو علم صحيح وحاضر قواله


قال اللويحان
كل مذهب يا جماعة ملحف بدوره
لين يلقي الذاهبه عقب يروح ابفاله
المعاني بينه تقدح كما البنوره
ثم كل بالمعاني واقف بظلاله

قال مرشد
صح انا قول القمر ماهو غبي نوره
ما يشابه مثل نور انجيمة تبرا له
مثل ما قال الموصف يا عديم الجورة
يا جبيل الخير ياللي تازن التمثاله

قال اللويحان
كان صيد اقصور والله ما نظرت اقصوره
كل عد يوم ترده ياصل احباله
كل خايف يوم يزمل ما يفكه سوره
والسلام اعنا الخطر يهل النظر يعنا له

قال مرشد
لا يجي قلبك حباط وفتنتك منشورة
اجزم انا ما نجيكم بالغبأ ختاله
كل مرمأ يا سنادي عارفين احكوره
نفتهم معنى الكلام الصج والحياله

قال اللويحان
والله اني بالمثل تصغيني الباكوره
وفهم العرضي يخشى الأثل ما يبرا له
أشري اللي بالمعاني ما يجبيه احروره
خص يوم ان الرشأ ركب على المحاله

قال مرشد
والله اني للأديب انعم من البندورة
حل ولا حال من جاني فتقت اجلاله
واجد بالناس من يبلاك بكبر جوره
لو يشرف اهبال غيره ما يشوف هباله

قال اللويحان
ويش خالت الجمل بقطع ذراعه زوره
والليالي امفرقه راحل وذي نزاله
ان نفس الآدمي منهيت ماموره
شاب هالطاروق وندور جديد ابداله


تاريخ النشر: الاثنين 10/3/2008 اليوم


المصدر

الوطن

جريده الكويت


http://www.alwatan.com.kw/Default.as...742&pageId=469

الموضوع الأصلي: من تراث القلطة | | الكاتب: سالم الرشيدي | | المصدر: شبكة بني عبس