السلام عليكم ورحمة الله وبركاته
ردية من كلمات الشاعر ناصر القحطاني
وقام بألحانها خالد عبدالرحمن
تم تصويرها تلفزيونيا لصالح بعض القنوات الفضائية وعرضت في قناة الساحه..
وهنا ننشرها لكم.
ناصر :
[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]سلام والمركب عليه اثنين والساعه تدور =والموج هادي والوعَد قدّام والرحله ذهاب
إنْ غابَوا الاجواد ما غابوا من اقفاص الصدور = دقّ الجرَس والعلم عجّل به بعَد طول الغياب[/POEM]
خالد :
[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا مرحبا يا صاحبي واعبر بنا سبْع البحور =عَليَّ ادِير البوصله ..وانت الله الله فالزهاب
أنا سمَعت انك تحَدّيت الذيابه والنمور=والعام لك قلبٍ خضَر واليوم ما كنـّك شباب[/POEM]
ناصر :
[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الوقت قاسي والفتى يبقى على الشدّه صبور = وإنْ ما غدا الرجّال ذيب يطيح بأنياب الذياب
حتى الصديق الله وكيلك صار دمّه ما يفور =وأنا لقيت الاصدقا معظمهم اشبه بالسراب[/POEM]
خالد :
[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لا تامن الدنيا ..ولكن لا يجي قلبك فتور = أحْدٍ يشوف احلى البنات وْلا يجي فيه انجذاب؟
ما للحباري فالقنـَص يا كـُود هَدّات الصقور =وإنْ ما كفـَخ طير الفضا معْناته انّ الراس شاب[/POEM]
ناصر :
[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]كلـّش وَلا قطـْع الرجا فالطيّبات مْن العطور =لكن على شرع الله وسنة نبيّه والكتاب
بـِيض العذارى عسجديّات الجسَد ضُمْر الخصور =سُود العيون مْجدّلات الروس تلعَات الرقاب[/POEM]
خالد :
[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]بالله قل لي ما برا جرحك بعَد بدْر البدور = ما عَوّضَوك الفاتنات ( الذاهبه ) والجرح طاب
كم واحدٍ لو مَرّته مزيونه بعمْر الزهور = ضاعت علومه والصواب .. الله يجيبك يا الصواب[/POEM]
ناصر :
[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أحْدٍ على الدنيا وهُو كنـّه من اصحاب القبور= وأحْدٍ يجي ويروح معْ خِلـّه وهُو تحْت التراب
يا اللي نسيت انّ الهوى يبقى عَلى مَرّ العصور =بنشدْك عن برْق سرى بك وانت من فوق السحاب[/POEM]
خالد :
[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]معَلـّمك يا صاحبي بالسالفة والعلم نور = وش بك تقول الشمع ذاب .. الشمع ما يمْديه ذاب
والبارق اللي مَرّني وانا ادعي بقلبٍ شكور =هذاك خير ٍ طاح بأرض الغير والرب استجاب[/POEM]
ناصر :
[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]وش بينك وبين المدينه والشوارع والقصور =ما قد شبَعت مْن الخلا الخالي ومن روس الهضاب
الناس ما تبطي ولو راحت مراويح الطيور = ترمي تعَبها فالبيوت وتستريح مْن العذاب[/POEM]
خالد :
[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]البَرّ يشرح كل صدْر ويقلب الضيقه سرور =وأنا الى جيته يمرّ الوقت ما احْسب له حساب
يا ما حلا طوْيَ الخبُوت وسجّة الخاطر شهور =وَلا معَك غير النشاما اللي يعزون الجناب[/POEM]