أولا:شاعر بهذا الحجم لايجد الناقد ضالته فيه بكل سهوله الا الأخطأ المطبعية وأعتقد ان هذي مهمة الأخوة المشرفين.
ثانيا:
(لو بقلبه باس خالد وسطوة عنتره=ماله الا "الشوف والشف" مايقدر يجيه)
يعجبني في شعر سهل بشكل عام بروز ووضوح الوقع الموسيقي للمتلقي.
(عزتي للقلب الاصمع اليا دار انظره=وانحنا راسه وسند لوجهه ركبتيه
كل مشرافا ً بالافكارقاسه واشبره=نوخت هقوات عزمه وبار الوقت فيه)
ابداع لا تصفه العبارات.
(اتوجد له لوالوجد مافيه اثمره=ينجبر كسر الظهر واجبره واربط عليه)
هل قصدت المعنى الظاهر أم المعنى الباطن المدفون؟.
(سودالله وجه الانذال ضلمه وقتره=من تبلا الناس بهتان ربي يبتليه)
هنا يتضح جواب سؤالي السابق.
(الرسايل يوم ميلادها قرن اشهره=مالهاعام ٍ يحسب الوقته مرتجيه)
صدقت.
(والخريف الياتطاول على كل شجره=ماتقاوم فيه الاوراق والجذع يحنيه)
"ما تقاوم فيه الأوراق" خطأ لغوي محسوب على الشاعر لانه هكذا أصبح سلاحا تقاوم فيه الأوراق للخريف.
"والجذع يحنيه" لا أعتقد ان الخريف يحني الجذع.
(العرى مكتوب مابين دوحه وعشره =والتقاطع ملك ماهولهذاعن هذيه
والمدى حلقة دوايرمثل كيدالمره=لاهنيا في ظنونك وبا حساسك هنيه)
نعم المجال مفتوح للجميع ولكن المطلوب التنافس الشريف.
(ونت ياشاعربني شمس بيمنك يسره = ماتوازن منسببها كذيه ولاكذيه
عرجت ٍ بصبع قدم رجلك الله يكسره = عيبك اكبرمن جزيره وطيبك مانبيه
ون لبست البوت وقفت مثل المصطره = مالي ٍ ثوبك وجهك مثل لون الجنيه
وقفتك سلة مهند وحلقك مبخره =طيب قول ٍ لويسوق مانقدرنشتريه)
أسلاوب ساخر استخدمه الشاعر لتهميش خصمه وذم يميل الى الرمزية وتعمد عدم التوضيح.
وأعتقد ان الشاعر قد استخدمها لأكثر من واحد.
(وانت يا للي ماتعوت طبع المصخره = الوفى مبداك والطيب منه ومنك فيه
ان القيت الشاعراللي فقد كل ا ضهره=في طريقك بالامانه تسلملي عليه)
هنا يوجه الشاعر ندائه لنموذج فئة من الناس وليس شخص بعينه ليوصل سلامه لهذا الشاعر المزعوم ان وجده في طريقه.
قصيدة جميلة بشكل عام أتمنى لكاتبها كل خير.
ودمتم بووووووود