[عبداللطيف الرشيدي]

السلام عليكم ورحمة الله وبركاته



مساكم الله با الخير


اترركم معها بلا مقدمات




يا ناشدٍٍ عن حالي .. تسرك الحال 000 وأبشرك .. همٍ ذبحنـي .. تجـلا


اللي جرح ما عاد يطري على البال000 كله .. على ما قيل .. ماضي وولا


وقتٍ مضى له باوسط القلب منزال 000 وقدرٍ على قدر القرايـب .. تعـلا


يوم المحبه كنت له شمس وظلال 000 ويوم الظروف تعاندة .. ما اتخـلا


أخلصت ما قصرت في كل الاحوال 000 والقلب حيّا به .. ورحـب وهـلا


بنيت له من زايد الشـوق تمثـال 000 باعلى خفوقي قلـت هـذا محـلا


وأثره مخالط بالخفا شلـة أنـذال 000 تلعب عليه .. وعلمتـه .. يتغـلا


يجمع مع أيام الجفا هـرج عـذال 000 وشهور عدت .. بالمحبة .. تسلا


خلاّ حياتي .. للهواجيس مدهـال 000 وأنا بصراحه .. مني الصبر.. ملا


والحين من فضل الله تسرك الحال 000 وابشرك .. همٍ ذبحنـي .. تجـلا

وسلامتكم


وان شاء الله تعجبكم
تحياتي لكم

الموضوع الأصلي: يا ناشد عن حالي | | الكاتب: عبداللطيف الرشيدي | | المصدر: شبكة بني عبس