[عبداللطيف الرشيدي]

تصدق وإلا ما تِصَدِّق .. أنا عَاجِزْ عَـنْ التفكيـر
تعَالْ وشُوفْ في عينِيً غِيابكْ وشْ عَمَـلْ فينـي

حبيبي ما بُقـى عِنـدي صَبـرْ .. يتْحَمَّـلْ التأخيـر
رَحَلتْ .. وعِقبكْ الدنيا غلاهـا طـاح مِـنْ عينـي

أجَاوبْ اللِّي يسْألني عَنْ أخْبَـاري وأقـولْ بخيـر
وأنـا لا خِـيـر بغيـابـكْ .. ولا حَـاجَـه .. تهنيـنـي

علـى طاريـكْ كِـلْ لحظـه .. ولا أحتـاج للتذكيـر
حَريصْ القلب مـا ينسَـى عيونِـكْ , لا توصينـي

مَحَدْ يِقْـدَر يعَوِّضْنِـي لأنِّـكْ .. فـي عيُونـي غيـر
ومَهْمَـا شِفـتْ أنـا الفرحَـه .. بدونِـكْ مـا تسلينـي

وكيف الحَالْ وشلوني .. جَوابٍ مـا يَبـي تفسيـر
بدونِكْ إنتْ , ما تِضْحَكْ حَياتي وترْمِشْ سنينـي

مِثلْ شَاعِرْ عِجَزْ يوصَفْ شعُوره وخانه التعبير
أنا ضايـع .. ولا أدري مِـنْ فراقِـكْ .. أنـا وينـي

مِثلْ طيرٍ كِسَرْ بُعْدِكْ جَناحَـه ومـا قِـدَرتْ اطيـر
أحَـاولْ أبْتِسِـمْ وأنْـسَـى ولـكـنْ وشْ ينسيـنـي..؟!

أشُوفِكْ في صباحي إنتْ مَعْنَى يا صباح الخيـر
وأشُوفِكْ في مَسَائي حِلْـم وردي .. لا تصحينـي

تِصَدِّق .. السَهَر يَرْسِمْ عيُوني ويتْقِـنْ التصويـر
ويشِقْ النُور في صفحـة حياتـي .. ومـا ألاقينـي

أنـامْ شلـونْ ومشكلتـي عِجـزتْ ألقـى لَهَـا تدبيـر
طِلَبـتْ النُـومْ .. لحظاتـه وعـيَّـا الـنُـوم يعطيـنـي

تغيَّر وجْهَي .. مِـنْ أوَّل غيابـكْ وإبْتِـدَى التأثيـر
حبيبي .. مِنْ التَّعَـبْ كافـي خذيـتْ اللِّـي يكفينـي

يا أغلى مِنْ رَحَل عنِّـي يـا كِـلْ الحُـبْ والتقديـر
تعَاااااالْ إنْ كان لِي عِنـدِكْ مَعَـزَّه وكـان تغلينـي

تعَالْ: إنْ كِنتْ تعشقني وإذا فِعلاً تبـي لـي خيـر
تعَالْ: ومِـدْ لِـي .. كَـفْ الوَصِـلْ .. وآمِـدْ كَفينـي

إذا كـانْ الجِفـا واجِـبْ بـدى مِـنْ قلبـي التقصيـر
أبيـكْ الحِيـنْ .. تِـرجَـعْ لِــي ولا تِـرجَـعْ تخليـنـي

أنا ما أقـولْ اللِّـي صَـار فِينـي مـا هقيتـه يصيـر
لأنِّي كِنـتْ .. ( مِتأكِـدْ ) .. بـأنْ البُعـد (ينهييينـي)

/،،/
تحياتي لكم
واتمنا ان تعجبكم

الموضوع الأصلي: انا عاجز عن التفكير | | الكاتب: عبداللطيف الرشيدي | | المصدر: شبكة بني عبس