[سيف عبس]

قبل كل شيء القصيدة مكتوبة قبل ثلاث سنوات تقريبا وتنشر لأول مرة.............



يامضارب عبس

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا مضارب عبس ماكر عزيزين الجناب=خطي لعاشق ترابك مجارات الشهير
من ضمير هز شوقه حروف في كتاب=وفزع أوزان القوافي على صوت النذير
الطواري بالرماح وشطيرات الحراب=جهزت جيش لنجدت منادينه يغير
لبى صوتن مرسله لايخاف ولايهاب=لين قامت كل خطوة لرجله تستخير
عدني ياعيد ضيف طرق لك كل باب=لين قلطه المعزب وحياه الضمير
وألا أنا معزبك ياضيف أكثرت العتاب=للجنود اللي تلبي على شر وخير
كبوة الهقوة وشرهة من أعياه الصواب=ضمها لحزب المشاريه بتبايعك أمير
عاش مجدك ياعلمنا وكملت النصاب=وعاشت جنودك بظلك ولامسك هجير
مجدنا السالف لحكمه مخاليب وناب=فيه ذل للمعادي وعز للقصير
شيدوه عيال عبس وتعلا للسحاب=عزوة عاشت عزيزة فخرها في زهير
عاش من وصى عياله على هاك الهضاب=شيد الحصن المحصن وأعزه بالشطير
رسم حدود المضارب وذلت له رقاب=ماخضع راسه لقايد ولا خاشر خشير
قادنا لهول المعارك من أحفاده شباب=مجدهم مولود معهم ولاطاعوا شوير
ومجدنا الحاضر ورثناه عن لوم الغياب=حافظينه صبينا مايقود الجمع غير
لين عاهدنا معزي على شرع الكتاب=ووحد أطراف الجزيرة على هدي البشير.[/POEM]

يوسف بن شلاح

الموضوع الأصلي: (يامضارب عبس) مجاراة للشاعر الكبير عيد بن مربح | | الكاتب: سيف عبس | | المصدر: شبكة بني عبس